સુરતના તબીબો સાથે દુબઈ ટૂરના નામે લાખો રૂપિયાની છેતરપિંડી થઈ હોવાનો બનાવ સામે આવ્યો છે. ટૂર ઓપરેટરે દુબઈ ટૂરના નામે લાખો રૂપિયા ખંખેરી લેતા ખળભળાટ મચી જવા પામી છે.
સુરતના ટુર ઓપરેટરે ડોક્ટરોની દિવાળી બગાડી
દુબઈ ટૂરના નામે 19 લાખ 32 હજાર ઉસેટી લીધા
ટૂર ઓપરેટર હર્ષદ પટેલની પોલીસે કરી અટકાયત
રાંદેર પોલીસે ડોક્ટર સંજય પટેલની ફરિયાદના આધારે હોલીડે સ્ટોપેજ ટ્રાવેલ્સના હર્ષદ પટેલની ધરપકડ કરી છે. ડોક્ટરે ફરિયાદમાં જણાવ્યું છે કે, ટૂર ઓપરેટરે દુબઈ ટૂરના નામે લાખો રૂપિયાની છેતરપિંડી કરી છે.
દુબઈ ટૂરના નામે આચરી 19 લાખ 32 હજારની છેતરપિંડી
આ મામલે રાંદેર પોલીસે જણાવ્યું કે, ગત દિવાળીની રજાઓમાં ડો.સંજય પટેલ, ડો. કિશોર પાટીલ અને ડો. વિજય પંડ્યાએ પરિવાર સાથે દુબઈ ફરવા જવાનો પ્લાન બનાવ્યો હતો. આ માટે તેઓ મોટી વેડના હોલી ડે સ્ટોપેજ ટ્રાવેલ્સના હર્ષદ પટેલને મળ્યા હતા. જેથી હર્ષદ પટેલે વીઝા-ટિકિટ, ફરવા, ખાવા-પીવા અને રહેવાના ખર્ચ માટે વ્યક્તિ દીઠ 61 હજાર નક્કી કર્યા હતા.
હર્ષદ પટેલે ડોક્ટરો પાસેથી 19.32 લાખ લીધા હતા
આથી ડોક્ટર સંજય પટેલે 33 લોકોના 19.12 લાખ રૂપિયા હર્ષદ પટેલને આપ્યા હતા. જે બાદ દિવાળીની રજાઓમાં તમામ દુબઈ જવા રવાના થયા હતા. જ્યારે ડો.સંજય પટેલ, ડો. કિશોર પાટીલ અને ડો. વિજય પંડ્યા સહિત પરિવારના 33 સભ્યો દુબઈ પહોંચ્યા ત્યારે દુબઈના એજન્ટે એક પણ રૂપિયો ન મળ્યો હોવાનું જણાવ્યું હતું.
રાંદેર પોલીસ સ્ટેશનમાં નોંધાવી ફરિયાદ
જેથી ડોક્ટરના ગ્રુપને છેતરપિંડી થઈ હોવાની જાણ થઈ હતી. જેથી ડોકટરોએ તાત્કાલિક 11.12 લાખ રૂપિયા આપતાં આખરે તેઓ ફરી શક્યા હતા.સુરત પરત આવ્યા બાદ તબીબોએ ટૂર ઓપરેટર હર્ષદ પટેલ સામે ફરિયાદ નોંધાવી હતી.