આજે લગભગ દરેક વ્યક્તિ સ્માર્ટ ફોનનો ઉપયોગ કરે છે અને તેના કામને સરળતાથી પૂર્ણ કરવા માટે ઑનલાઈન એપ્સનો આધાર લે છે.
ક્યારેય આવી એપ ડાઉનલોડ ના કરશો
એક એપ દ્વારા સાઈબર ચોરો લાખો રૂપિયાની કરે છે છેતરપિંડી
આ એપના કારણે એક યુવકે કરી આત્મહત્યા
ક્યારેક ડાઉનલોડ ના કરો આ પ્રકારની એપ
જેમાંથી ઘણી બધી એપ્સ એવી હોય છે, જે સામેથી જોવામાં કામની લાગે છે, પરંતુ તેને ડાઉનલોડ કર્યા બાદ તમારે લાંબુ પરિણામ ભોગવવુ પડી શકે છે. હાલમાં એક ફ્રોડ લોન એપ ડાઉનલોડ કરીને એક યુવકે પોતાનો જીવ ગુમાવવો પડ્યો હતો. સ્માર્ટફોન પર ડાઉલોડ કરવા માટે ઘણી બધી એપ્સ છે, જે ફ્રી છે અને સરળતાથી ડાઉનલોડ કરી શકાય છે પરંતુ તેમાંથી અમુક એપ્સ એવી પણ છે જે જોવામાં સારી લાગે છે, પરંતુ ફ્રોડ હોય છે. હાલમાં સાઈબર ચોરોએ એક ફ્રોડ લૉન એપ દ્વારા એક વ્યક્તિ પાસે પૈસા પડાવવા માટે તેને એટલો પરેશાન કર્યો કે તેણે આત્મહત્યા કરી લીધી.
ફ્રોડ એપના કારણે યુવકે કરી આત્મહત્યા
હાલમાં રાજસ્થાનના જિયાગુડા ગંગાનગર વિસ્તારના એક 22 વર્ષીય યુવક, રાજ કુમાર યાદવની આત્મહત્યાનો મામલો સામે આવ્યો. તપાસ બાદ જાણવા મળ્યું છે કે આ યુવકે એક લોન એપ સ્કેમના કારણે પોતાનો જીવ લઇ લીધો. આ યુવકે એક લોન પોતાના ફોનમાં ડાઉનલોડ કરી, જે હકીકતમાં ફ્રોડ નિકળી. આ એપ દ્વારા ચીનના અમુક સાઈબર ચોરોએ યુવકને એટલો પરેશાન કર્યો કે તેણે આપઘાત કરી લીધો. મહત્વનું છે કે અત્યાર સુધી આ એપ દ્વારા સાઇબર ચોરોએ 4.5 લાખ લોકોનો એપ્રોચ કર્યો છે અને આ દરેક વ્યક્તિ પાસેથી 50 હજારથી 1.5 લાખ રૂપિયાની વચ્ચે ચોરવાનો પ્રયાસ કરે છે.