જરૂરી વાત / PF ખાતાઓમાં થઈ કરોડોની છેતરપિંડી, ચેક કરી લો ક્યાંક તમારૂ એકાઉન્ટ તો નથી ને?

• PF ઓફિસમાં કરોડોની ઠગાઈ 
• કુલ 21 કરોડથી વધારાની હેરાફેરી 
• 5 કર્મચારી ફ્રોડમાં સામેલ 

દેશભરમાં ફેલાઈ રહેલી કોરોના મહામારીની વચ્ચે PF ઓફિસમાં કરોડોની ઠગાઈ સામે આવી છે. માર્ચ 2020થી જૂન 2021ની વચ્ચે જ્યારે આખા દેશમાં કોરોના મહામારી ઝડપથી ફેલાઈ રહી હતી. તે વચ્ચે કર્મચારી ભવિષ્ય નિધિ ફંડે મુંબઈ કાર્યાલયમાં કર્મચારીની સાંઠગાંઠથી લગભગ 21 કરોડ રૂપિયાથી વધારાની ઠગાઈ કરી છે. એક ખબર અનુસાર, કોમન પીએફ પૂલ દ્વારા છેતરપિંડી કરવામાં આવી છે. તેમાંથી લગભગ 21 કરોડ રૂપિયા કાઢી લેવામાં આવ્યા છે.

આટલા કરોડની હેરાફેરી 
અત્યાર સુધી કરવામાં આવેલી તપાસ અનુસાર આ ફ્રોડનું માસ્ટર માઈન્ડ મુંબઈ કાંદિવલી ઈપીએફઓ ઓફિસના 37 વર્ષના ચંદન કુમાર સિન્હા છે. જેમણે કથિત રીતે પીએફનો ક્લેમ કરવા માટે માઈગ્રેટ વર્કના 817 બેન્ક ખાતાનો ઉપયોગ કર્યો છે. જણાવી દઈએ કે કુલ 21.5 કરોડ રૂપિયાની પીએફ ખાતામાંથી હેરાફેરી કરવામાં આવી છે. 

5 કર્મચારી ફ્રોડમાં સામેલ 
સૂત્રોના જણાવ્યા અનુસાર તપાસમાં એ પણ જોવા મળ્યું છે કે આ ખાતામાં ટ્રાન્સફર કરવામાં આવેલા 90 ટકા પૈસા કાઠી લેવામાં આવ્યા છે. આ ઉપરાંત મુંબઈ ઓફિસના 5 કર્મચારી આ ફ્રોડમાં શામેલ છે. જેમાં ચંદન સિન્હા ફરાર છે. સૂત્રોએ જણાવ્યા અનુસાર જેવું ઈન્ટરનલ ઓડિટ પુરૂ થશે, ઈપીએફઓ મામલાને સીબીઆઈને સોંપવામાં આવશે. 

SMS દ્વારા આ રીતે ચેક કરો બેલેન્સ 
જો તમારૂ રજીસ્ટ્રેશન યુએએન ઈપીએફઓ પાસે છે તો લેટેસ્ટ કોન્ટ્રિબ્યુશન અને પીએફ બેલેન્સની જાણકારી માટે એક મેસેજ દ્વારા મળી શકે છે. તેના માટે તમારે 7738299899 પર EPFOHO UAN ENG લખીને મોકલવાનું રહેશે. છેલ્લા ત્રણ અક્ષર ભાષા માટે છે. જો તમારે હિન્દીમાં જાણકારી જોઈએ છે તો તમે EPFOHO UAN HIN લખીને મોકલી શકો છો. આ સેવા અંગ્રેજી, પંજાબી, મરાઠી, હિન્દી, કન્નડ, તેલુગુ, તમિલ, મલયાલમ અને બંગાલીમાં ઉપલબ્ધ છે. આ એસએમએસ યુએએનના રજીસ્ટર્ડ મોબાઈલ નંબરથી મોકવો પડશે.