કેન્દ્રીય ગૃહમંત્રી અને ભાજપના રાષ્ટ્રીય અધ્યક્ષ અમિત શાહના નામે છેતરપિંડીનો ખુલાસો થયો છે. આ કેસમાં દિલ્હી પોલીસના સ્પેશિયલ સેલે 2 શખ્સની ધરપકડ કરી છે. જોકે પોલીસની સ્પેશિયલ સેલે આ બન્ને લોકોની ભૂમિકાનો હજુ ખુલાસો નથી કર્યું, પરંતુ તેની પૂછપરછ ચાલી રહી છે.
દિલ્હી પોલીસના સ્પેશ્યલ સેલે 2 શખ્સોને ઝડપી લીધા
હરિયાણા સરકારના મંત્રી રંજીતસિંહને કર્યો હતો ફોન
એપ્લિકેશન પરથી કોલ કરી પાર્ટીફંડના નામે માગ્યા 3 કરોડ
ઝડપાયેલા બંને શખ્સોએ 20 ડિસેમ્બરે હરિયાણા સરકારના મંત્રી રણજિત સિંહને એક એપ દ્વારા ફોન કર્યો હતો. અમિત શાહ પાર્ટી ફંડ્સના નામે 3 કરોડ રૂપિયા માંગે છે તેમ કહ્યું હતું. પરંતુ તપાસ દરમિયાન જાણવા મળ્યું કે અમિત શાહના ઘરેથી કોઈ ફોન કરવામાં આવ્યો નથી.
દિલ્હી પોલીસે આ કેસમાં જગતાર સિંહ અને ઉપકાર સિંહ નામના બે શખ્સોની ધરપકડ કરી છે. જો કે પોલીસના સ્પેશિયલ સેલે હજી સુધી આ બંને શખ્સોની ભૂમિકા જાહેર કરી નથી. પરંતુ બંને શખ્સોની વધુ પૂછપરછ હાથ ધરાઈ છે.
નોકરીના નામ પર ઠગાઇ
દિલ્હીમાં ઠગાઇથી જોડાયેલ અનેક મામલાઓ સામે આવતા રહે છે. આ ઘટનામાં 3 દિવસ પહેલા દિલ્હી પોલીસે નોકરી અપાવવાના નામ પર ઠગ કરનાર એક કોલ સેન્ટરનો ભાંડો ફોડ્યો હતો.