ડાયમંડ સીટી તરીખે ઓળખાતા સુરત શહેરના ડાયમંડ ઉદ્યોગમાં છેલ્લા કેટલાંય સમયથી મંદી જોવા મળી રહી છે ત્યારે દિવાળી બાદ મંદીનો માહોલ પૂર્ણ થઇને સારા વ્યાપારની આશા ઉદ્યોગકારો સેવી રહ્યાં હતા પરંતુ દિવાળી બાદ ઉઠમણાંનો દોર શરૂ થતાં ઉદ્યોગકારોમાં ચિંતાનું વાતાવરણ જોવા મળી રહ્યું છે.
દિવાળી બાદ ઉઠામણાંનો દોર શરૂ થતાં ઉદ્યોગકારોમાં ચિંતાનું વાતાવરણ
હીરા ઉદ્યોગકારોને પણ ચેતવા માટે એક મોકો
આર્થિક અપરાધ શાખા અંતર્ગત પોલીસ સ્ટેશનની માંગ
ડાયમંડ સીટીના હુલામણાં નામથી ઓળખાતા સુરત શહેરના હીરા ઉદ્યોગને મંદીનું ગ્રહણ વર્ષ 2019 શરૂ થતાંની સાથે જ લાગી ગયું હતું. પરંતુ દિવાળી આવતા આવતા આ ગ્રહણ હટી જવાની શક્યતાઓ દેખાતી હતી અને દિવાળીના લાંબા વેકેશન બાદ હીરા ઉદ્યોગો આશા સાથે શરૂ થયા કે આ વખતે મંદીનું ગ્રહણ હટશે અને સારો વ્યાપાર થશે એવું દેખાતુ હતું પરંતુ હીરા ઉદ્યોગની શરૂઆત થતાંની સાથે ઉઠમણાંનો દોર શરૂ થઇ જતાં વેપારીઓ ચિંતામાં મુકાયા છે.
આ ઉપરાંત હીરા ઉદ્યોગકારો દ્વારા વર્ષોથી આર્થિક અપરાધ શાખા અંતર્ગત પોલીસ સ્ટેશનની માંગ કરવામાં આવી હતી. આ માંગ પણ હજુ અધૂરી રહેતા પણ ઉદ્યોગકારોના ઉઠામણાં મામલે કાર્યવાહી ન થતાં અન્ય લોકો ઉઠામણાં કરી ફરાર થઇ જતાં હોય છે.
મુખ્યત્વે દિવાળી બાદ ફક્ત 25 કરોડના એક જ ઉઠામણાંની ખબર આવી છે. પરંતુ મંદીને કારણે હજુ કેટલાક ઉદ્યોગોના માલિકો ઉઠી શકવાની શંકા પણ વર્તાઇ રહી છે. ત્યારે હીરા ઉદ્યોગકારોને પણ ચેતવા માટે એક મોકો છે. કારણ કે આપ જે વ્યક્તિઓ સાથે વ્યાપાર કરો તે લોકોને ખાસ ઓળખ્યા બાદ વ્યાપાર કરો. આ ઉપરાંત હીરા ઉદ્યોગકારો દ્વારા વર્ષોથી આર્થિક અપરાધ શાખા અંતર્ગત પોલીસ સ્ટેશનની માંગ કરવામાં આવી હતી. આ માંગ પણ હજુ અધૂરી રહેતા પણ ઉદ્યોગકારોના ઉઠામણાં મામલે કાર્યવાહી ન થતાં અન્ય લોકો ઉઠામણાં કરી ફરાર થઇ જતાં હોય છે.