ગગનયાન મિશન પર જનારા અંતરીક્ષયાત્રીઓના સારા સ્વાસ્થ્ય માટે તબીબોને ટ્રેનિંગ માટે ફ્રાન્સ મોકલવામાં આવશે. ફ્રાન્સ આ ભારતીય તબીબોને અંતરીક્ષમાં રહેવા માટે વિશેષ ટ્રેનિંગ આપશે. બે સપ્તાહની આ ટ્રેનિંગ 2022ના ગગનયાન મિશનનો એક મહત્વપૂર્ણ ભાગ હશે.
ગગનયાન મિશનની તૈયારી પુરજોશમાં
અંતરીક્ષયાત્રીઓ માટે તબીબોને અપાશે ટ્રેનિંગ
અંતરીક્ષયાત્રીઓના સારા સ્વાસ્થ્ય માટે તબીબોને મોકલાશે ફ્રાંસ
મિશન માટે ફ્લાઇટ સર્જનની પસંદગી ટૂંક સમયમાં જ કરી દેવાશે. આ સર્જન ભારતીય વાયુસેનામાં એવિએશન મેડિશિનના વિશેષજ્ઞ તબીબ જ હશે. ત્યારે આ તબીબોની ટ્રેનિંગને લઇ એક MoU પણ કરવામાં આવશે.
ભારતીય વાયુસેનાના ચાર ટેસ્ટ પાયલટ રશિયામાં લઇ રહ્યા ટ્રેનિંગ
જ્યારે ફ્રાન્સની સ્પેસ એજન્સી CNESના અધ્યક્ષ જીન વેસ લે ગાલ બેંગાલૂરૂમાં આવશે. હાલ ગગનયાન મિશન માટે પસંદ કરાયેલા ભારતીય વાયુસેનાના ચાર ટેસ્ટ પાયલટ રશિયામાં 11 મહિનાની ટ્રેનિંગ કાર્યક્રમનો ભાગ લઇ રહ્યાં છે. ગગનયાન ભારતનું પહેલું માનવ અંતરિક્ષ મિશન છે. જેને ઇસરો દ્વારા ડિસેમ્બર 2021 સુધી લોન્ચ કરવાનું લક્ષ્ય રખાયું છે.
ગગનયાન મિશન પહેલાં આ રોબોટને અંતરીક્ષમાં મોકલવામાં આવશે
ઇસરો પ્રમુખે જણાવ્યું હતું કે ગગનયાન મોકલ્યા પહેલા બે માનવરહિત મિશનમાં આ રોબોટને મોકલવામાં આવે આવશે. તેમણે કહ્યું હતું કે 'અમારું રોબોટ એક માનવ જેવું જ હશે અને માનવ જેવા લગભગ બધા જ કાર્ય કરવામાં સક્ષમ હશે, જોકે તે તદ્દન માનવ જેવા જ કાર્ય નથી કરી શકતું.' ઈસરો પાસે તેમનું પોતાનું રોબોટ છે જેને આ મિશન પર મોકલવામાં આવશે.