ફ્રાંસનું શહેર સ્ટ્રામબર્ગમાં ક્રિસમસ બઝારમાં થયેલા ફાયરિંગમાં ત્રણ લોકોનાં મોત થયા છે. જ્યારે આ હુમલામાં 12 લોકોને ઈજા થઈ છે. હાલમાં આ હુમલાખોરો એટલે કે બંદુકધારીઓની પોલીસે શોધખોળ હાથ ધરી છે.
આતંકી હુમલાની દહેશતના પગલે ફ્રાંસમાં ચુસ્ત બંદોબસ્ત ગોઠવી દેવાયો છે અને હાઈએલર્ટ જાહેર કરી દેવાયું છે. એટલું જ નહીં આ હુમલા દરમિયાન પોલીસની જવાબી કાર્યવાહીમાં એક બંદુકધારી ઈજાગ્રસ્ત પણ થયો છે.
બંદુકધારીઓને શોધવા માટે 350 લોકો સહિત હેલિકોપ્ટરની મદદ લેવાઈ છે. પોલીસ પણ આ ઘટનાને આતંકી ઘટનાના રૂપે જોઈ રહી હોવાથી હાઈ એલર્ટ જાહેર કરવામાં આવ્યું છે.
પ્રાપ્ત વિગતો મુજબ આ હુમલાખોરો શંકાસ્પદ આતંકવાદીઓની યાદીમાં સામેલ છે. ઘટના બાદ હવે ફ્રાંસ પોલીસે વદુ કાર્યવાહી હાથ ધરી છે.