પરાક્રમ / કારગિલ વિજય દિવસ પર ભારતીય જવાનોને ફ્રાન્સે અર્પી વીરાંજલિ, ફ્રેન્ચ રાજદૂતે કર્યું આ ટ્વિટ

• કારગિલ વિજય દિવસ પર ફ્રાન્સે ભારતીય જવાનોને અર્પી વીરાંજલિ
• ફ્રાન્સના રાજદૂતે કહ્યું, ૧૯૯૯માં મિરાજ અને ૨૦૨૦માં રફાલની ભાગીદારી 
• ''ભારત અને ફ્રાંસની ભાગીદારી નવી ઉંચાઈએ'' ફ્રેંચ રાજ્દુતનું ટ્વીટ

ફ્રાંસના રાજદૂતની ભારતીય સૈન્યને સલામ 

ફ્રાન્સના ભારત ખાતેના રાજદૂત ઈમેન્યુએલ લેનૈને તેમના ઓફીશીયલ ટ્વીટર એકાઉન્ટ પરથી ભારતીય સૈન્યના જવાનોને શ્ર્દ્ધાંજલિ અર્પી હતી. જેમાં તેમણે લખ્યું હતું કે, ''ભારતીય સુરક્ષા દળોને ફ્રાંસ કારગિલ વિજય દિવસ 2020ના અવસર પર શ્રદ્ધાંજલિ અર્પે છે.ફ્રાંસ હંમેશા ભારતની સાથે ઉભું રહ્યું છે. 1999માં મિરાજ 2000 અને 2020માં રફાલ સાથે ભારત અને ફ્રાંસની ભાગીદારી નવી નવી ઉંચાઈઓ સ્પર્શી રહી છે.''

On #KargilVijayDiwas2020, France pays tribute to the Indian armed forces: France always stands alongside India.#Mirage2000 in 1999 to #Rafale in 2020: our partnership touches soaring heights. pic.twitter.com/bIEKIWDFhi

— Emmanuel Lenain (@FranceinIndia) July 26, 2020

શું હતું કારગિલ યુદ્ધ ?

ઉલ્લખનીય છે કે વર્ષ 1999માં ભારતીય કાશ્મીરના ભાગ પર પાકિસ્તાની સેનાએ મુજાહિદોના સ્વાંગમાં કાયરતાપૂર્ણ હમલો કરેલો હતો. જેને મારી હઠાવવા માટે તત્કાલીન વડાપ્રધાન અટલ બિહારી વાજપેયીએ ભારતીય સેનાને છુટ્ટો દોર આપ્યો હતો. જે બાદ ભારતીય સેનાએ અપ્રતિમ પરાક્ર્મ દાખવીને કારગિલ વિસ્તાર, તોલોલીંગ ટાઈગર હિલ જેવી ટેકરીઓ કબજે મેળવીને પાકિસ્તાની સેનાને મારી હઠાવી હતી. આ મિશનમાં ભારતીય થલસેનાની સાથોસાથ ભારતીય વાયુસેનાએ પણ ખુબ જ મહત્વનો ભાગ ભજવ્યો હતો. ભારતીય વાયુસેનાના આકાશી વીરોએ મિરાજ 2000 વિમાનોથી લેસ થઈને લેસર બોમ્બિંગ દ્વારા પાકિસ્તાની બંકરોને નિશાન બનાવ્યા હતાં. 

બોફોર્સે પણ રાખ્યો હતો રંગ

કટકીના વિવાદોમાં ખુબ જ ગાજેલી સ્વીડનની FH77B એટલે કે બોફોર્સ તોપોએ પણ કારગીલના મોરચે રંગ રાખ્યો હતો અને ભારતીય આર્ટિલરીને પાકિસ્તાનની સામે શ્રેષ્ઠ પુરવાર કરી હતી.આ તોપોએ ખુબ જ દુર સુધી તોપગોળા ફેંકીને પાકિસ્તાનની સપ્લાય લાઈનને કાપી નાખેલી.

વાયુસેનાનું ઓપરેશન સફેદ સાગર

ભારતીય વાયુસેનાએ ઓપરેશન સફેદ સાગર નામનું અભિયાન લોન્ચ કર્યું હતું જેમાં મિરાજ 2000 વિમાનો દ્વારા ખુબ જ ઉંચેથી લેસર બોમ્બિંગ દ્વારા પાકિસ્તાની બંકરોને નષ્ટ કરાયા હતાં. પાકિસ્તાની સેનાના પોર્ટેબલ સ્ટીંગ રે મિસાઈલ્સ પણ તેમને કામે લાગી શક્યા નહોતા. આ સાથે જ તાજેતરમાં આપણે જેની રશિયા પાસેથી ખરીદીનો ઓર્ડર આપ્યો છે તે મીગ 29 વિમાનોએ તે સમયે મિરાજ 2000ના બોડીગાર્ડ તરીકેનો રોલ ભજવ્યો હતો. જેથી પાકિસ્તાની વાયુસેનાના બહુ ગાજેલા F 16 વિમાનો તેથી દુર રહે. આમ આ યાદગાર વિજયની યાદમાં ભારતીય સેના કારગિલ વિજય દિવસ મનાવતી હોય છે.