ભારતીય રેલવે સ્ટેશન વિકાસ નિગમ(IRSDC) એ સોમવારે ફ્રાન્સીસી રાષ્ટ્રીય રેલવે (SNCF) અને ફ્રાંસીસી વિકાસ એજન્સી (AFD) સાથે ત્રિપક્ષીય સમજુતી કરી છે. જે અંતર્ગત ભારતમાં રેલવે સ્ટેશનોના વિકાસ કાર્યક્રમની ક્ષમતા નિર્મામ માટે 7 લાખ યૂરોનું અનુદાન આપવામાં આવશે.
આ સમજૂતી પર રેલવે રાજ્ય મંત્રી સુરેશ અંગાડી, યૂરોપ તથા વિદેશ મામલાના ફ્રાન્સના રાજ્ય મંત્રી જીન બેપ્ટિસ્ટ લેમાયેન, ભારતમાં ફ્રાન્સના રાજદૂત અલેક્જેન્ડર જીગ્લર અને ફ્રાન્સ દુતાવાસ તથા ભારતીય રેલવેના અન્ય વરિષ્ઠ અધિકારીઓની હાજરીમાં સમજુતી કરવામાં આવી હતી.
ભારતીય રેલવેએ એક નિવેદનમાં કહ્યું કે આ સમજુતી હેઠળ એએફડી, ભારતમાં રેલવે સ્ટેશન વિકાસ કાર્યક્રમ માટે ક્ષમતા નિર્માણમાં સહયોગ કરશે.
એએફડી આ માટે ભારતીય રેલવે સ્ટેશન નિગમને ટેક્નિકલ ભાગીદાર સ્વરૂપે એસએનએફ-હબ્સ અને કોનેક્જિયન્સના માધ્યમથી 7 લાખ યૂરો સુધી અનુદાન આપવા માટે સહમત થઇ ગયું છે. તેથી આઇઆરએસડીસી અથવા ભારતીય રેલવે પર કોઇ નાણાકીય ભાર પડશે નહીં.