ફાન્સમાં થયેલી ધાર્મિક હિંસાના પડઘા વડોદરા સુધી પહોચ્યા છે. વડોદરામાં પણ ફ્રાન્સના રાષ્ટ્રપતિનો બાયકોટ કરવામાં આવી રહ્યો છે.
ફ્રાન્સની હિંસાના પડઘા વડોદરામાં પડ્યાં
વડોદરાના નવાબ વાડામાં લાગ્યા પોસ્ટર
ફ્રાન્સનો વિરોધ દર્શાવતા લાગ્યા પોસ્ટર
થોડા દિવસ પહેલા ફ્રાન્સમાં પયગંબર સાહેબના કાર્ટૂનને ક્લાસમાં બતાવનાર એક હિસ્ટ્રી શિક્ષકાની હત્યા કરાઈ હતી. ત્યાર પછી સરકાર ફ્રાન્સમાં ઈસ્લામિક સંગઠનો સામે કડક કાર્યવાહી કરી રહી છે. જેના પગલે વડોદરાના મુસ્લિમ વિસ્તારમાં ફાન્સના રાષ્ટ્રપતિ ઈમેનુએલ મેક્રોનોને બાયકોટ કરતા પોસ્ટર લગાવાયા છે.
શું છે મામલો?
હકીકતમાં 16 ઓક્ટોબરના રોજ અભિવ્યક્તિની સ્વતંત્રતાનો પાઠ ભણાવતા વિદ્યાર્થીઓને એક ફ્રેન્ચ ટીચર સેમ્યુઅલ પેટીએ પયગંબર મોહમ્મદનું વિવાદિત કાર્ટુન બતાવ્યું હતું. આ ટીચરનું ગળું ચીરી નાખીને હત્યા કરી દેવાતા ફ્રાન્સમાં હાહાકાર મચી ગયો. ત્યારબાદ ફ્રાન્સના રાષ્ટ્રપતિ ઈમેન્યુઅલ મેક્રોને ટીચરને શ્રદ્ધાંજલિ આપતા આ ઘટનાને ઈસ્લામિક આતંકવાદ ગણાવી હતી. ત્યારથી જ મુસ્લિમ દેશોમાં ફ્રાન્સના વિરોધમાં પ્રદર્શન થઈ રહ્યા છે અને ફ્રેન્ચ પ્રોડક્ટ્સના બહિષ્કારનું અભિયાન ચાલુ છે.