ઓક્સ સમજૂતિને લીધે ફ્રાન્સ અને ચીન આ 3 દેશોથી નારાજ
અમેરિકા, બ્રિટન અને ઓસ્ટ્રેલિયાની વચ્ચે ઐતિહાસિક સુરક્ષા સમજૂતિ ઓક્સના ચાલતા ફ્રાન્સ અને ચીન જેવા દેશો નારાજ છે. ફાન્સને આ ડીલથી ઘણું નુકસાન પહોંચ્યું છે જેને લીધે આ દેશ ઘણો ભડકેલો છે. ત્યારે અમેરિકા અને બ્રિટન ફ્રાન્સની નારાજગીને ઓછી કરવા સતત પ્રયાસ કરી રહ્યું છે.
હકિકતમાં ઓક્સ સમજૂતિ હેઠળ અમેરિકા ઓસ્ટ્રેલિયાને ન્યૂક્લિયર સબમરીનની ટેક્નિક પુરી પાડશે. 50 વર્ષમાં એવું પહેલીવાર થયું છે. જ્યારે અમેરિકા પોતાની સબમરીન ટેક્નીક કોઈ દેશની સાથે શેર કરી રહ્યું છે. આની પહેલા અમેરિકા ફક્ત બ્રિટનની સાથે આ ટેક્નીક શેર કરી હતી.
ડીલ રદ્દ થવાના કારણે ફ્રાન્સ 36 અરબ ડોલરનું નુકશાન પહોંચ્યું
આ ડીલના ચાલતા ઓસ્ટ્રેલિયાએ ફ્રાન્સની સાથેનો સોદો રદ્દ કરી નાંખ્યો હતો. વર્ષ 2016માં ઓસ્ટ્રેલિયાએ નૌસેના માટે ફાન્સ પાસેથી 12 સબમરીન નિર્માણનો કોન્ટ્રાક્સ ફાન્સને મળ્યો હતો. આ ડીલ રદ્દ થવાના કારણે ફ્રાન્સ 36 અરબ ડોલરનું નુકશાન પહોંચ્યું છે.
જો બાયડને ફ્રેન્ચ રાષ્ટ્રપતિ મૈક્રોની સાથે ફોન કોલ કરવા વિનંતી કરી પણ...
ત્યારે અમેરિકા ફાન્સની સાથે સુલેહ માટે સતત પ્રયાસો કરી રહ્યું છે. અમેરિકાના રાષ્ટ્રપતિ જો બાયડને ફ્રેન્ચ રાષ્ટ્રપતિ મૈક્રોની સાથે ફોન કોલ કરવા વિનંતી કરી છે. ફ્રાન્સ સરકારના પ્રવક્તા ગ્રૈબિયાલ એટાલે કહ્યું કે આવતા કેટલાક દિવસોમાં ફ્રાન્સ અને અમેરિકાના રાષ્ટ્રપતિ એક બીજા સાથે વાતચીત કરી શકે છે. ફ્રાન્સને આ મામલામાં અમેરિકાનું સ્પષ્ટીકરણ જોઈએ છે. અમેરિકાએ અમારા ટ્રસ્ટને તોડ્યો છે અને તેમણે આનો જવાબ આપવો જ પડશે.
ઉલ્લેખનીય છે કે ફ્રાન્સે બ્રિટનથી પોતાના રાજદૂતને નથી બોલાવ્યા પરંતુ તેને લઈને ફ્રાન્સના વિદેશ મંત્રીએ ઘણા આકરા જવાબ આપ્યા છે. તેમણે કહ્યું કે બ્રિટનથી ફ્રેન્ચ રાજદૂતને લાવવાની જરુર નથી. ત્યારે બ્રિટન પીએમ બોરિસ જોનસને કહ્યું કે બ્રિટન અને ફ્રાન્સની વચ્ચે સારી મિત્રતા છે અને આ તેમના માટે ઘણી મહત્વની છે.