મહામારી / આ દેશના રાષ્ટ્રપતિ બોલ્યાં, હમણાં લોકડાઉન ન કર્યુ તો સ્થિતિ કાબૂમાં નહીં રહે, ત્રીજી લહેર રોકવી પડશે

• ફ્રાન્સમાં ફરી લોકડાઉન
• 4 સપ્તાહના લોકડાઉનની જાહેરાત
• કોરોનાના કેસની સંખ્યા 46.46 લાખ 

કોરોનાના કેસ ફ્રાન્સમાં સતત વધી રહ્યા છે. જેને પગલે આ નિર્ણય લેવામાં આવ્યો છે. 31 માર્ચે ફ્રાન્સમાં 29 હજાર 575 કેસ નોંધાયા હતા. જ્યારે કોરોનાના કેસની સંખ્યા ફ્રાન્સમાં 46.46 લાખ પર પહોંચી ગઈ છે.

"We will lose control if we do not move now," said French President Emmanuel Macron as he ordered nationwide lockdown & said schools would be closed for three weeks to push back third wave of #COVID19 infections that could overwhelm hospitals: Reuters pic.twitter.com/uoABIhPRZ4

— ANI (@ANI) March 31, 2021

રાષ્ટ્રપતિ મેક્રોને દેશને સંબોધન દરમિયાન કરી જાણ

ફ્રાન્સમાં કોરોના વાયરસે ફરી પ્રકોપ દેખાડવાનું શરૂ કર્યું છે, કોરોનાના ખતરાને જોતાં ફ્રાન્સના રાષ્ટ્રપતિ મેક્રોએ આખા દેશમાં 4 અઠવાડિયાનું એટલે કે 1 મહિનાનું લોકડાઉન જાહેર કર્યું છે. બુધવારે એક સંબોધનમાં રાષ્ટ્રપતિએ આ જાહેરાત કરી હતી. આ સાથે શાળાઓમાં 3 અઠવાડિયાના બંધની જાહેરાત કરી છે. 

ફ્રાન્સમાં કોરોનાની ત્રીજી લહેર, શુ ખુલ્લું રહેશે અને શું બંધ

ફ્રાન્સમાં કોરોના વાયરસની ત્રીજી લહેર ચાલી રહી છે. એવામાં રાષ્ટ્રપતિ મેક્રોએ કહ્યું કે કડક પગલાં લેવાની જરૂર છે નહીં તો નિયંત્રણ રાખવું મુશ્કેલ બનશે. ફ્રાન્સમાં દેશવ્યાપી લોકડાઉન સમયે ફક્ત જીવન જરૂરી સામાનની દુકાનો ખુલ્લી રાખવાની પરમિશન આપવામાં આવી છે. ઓફિસ જવાને બદલે લોકો વર્ક ફ્રોમ હોમ કરશે. આ સાથે 10 કિમીથી વધારે દૂર જવા પર પણ રોક રખાશે.