ફ્રાન્સે રાફેલ લડાકુ વિમાનોની બેચ ભારતને સોંપી છે. આ બેચમાં સમાવિષ્ટ પાંચેય વિમાન હાલમાં ફ્રેન્ચ ભૂમિ પર છે. માનવામાં આવી રહ્યું છે કે આ રાફેલ વિમાન ઓક્ટોબરમાં ભારત પહોંચશે. આ વિમાનને પશ્ચિમ બંગાળના કાલિકુંડા એરફોર્સ સ્ટેશન પર તૈનાત કરવામાં આવશે.
ફ્રાંસથી ભારત આવશે રાફેલ ની બીજી બેચ
હવે ભારત પાસે કુલ 10 રાફેલ વિમાનો થયા
આ વિમાનોને પશ્ચિમ બંગાળમાં તૈનાત કરાશે
ફ્રાન્સે રાફેલ લડાકુ વિમાનોની આગામી બેચ ભારતને સોંપી છે. જો કે હાલમાં આ વિમાનો ફ્રાન્સમાં જ છે, પરંતુ માનવામાં આવી રહ્યું છે કે આ રાફેલ વિમાન ઓક્ટોબરમાં ભારત પહોંચશે. આ વિમાનને પશ્ચિમ બંગાળના કાલિકુંડા એરફોર્સ સ્ટેશન પર તૈનાત કરવામાં આવશે.
જે ચીન સાથેની પૂર્વ સરહદની સુરક્ષા કરશે. 10 સપ્ટેમ્બરના રોજ ઔપચારિક કાર્યક્રમ દરમિયાન રાફેલ ની પ્રથમ બેચના પાંચ વિમાનોને ભારતીય વાયુસેનામાં સામેલ કરવામાં આવ્યા હતા.
ફ્રાન્સે રાફેલ ની બીજી બેચ ભારતને સોંપી
ભારતમાં ફ્રાન્સના રાજદૂત ઇમેન્યુઅલ લેનિન એ સૂત્રો સાથેની વાતચીતમાં જણાવ્યું હતું કે રાફેલ લડાકુ વિમાનોની બીજી બેચ ભારતને સોંપાઇ છે. આ વિમાન હાલમાં ફ્રાન્સમાં છે, હવે તે ભારતીય વાયુસેના પર છે કે તે ક્યારે તેમને ભારતમાં લાવે છે. તેમણે ભારતીય વાયુસેનાના પાઇલટ્સની પ્રશંસા કરી અને તેમને ઉત્તમ પાઈલટસ ગણાવ્યા હતા.
રાફેલ વિમાનમાં ભારતે ફેરફાર કરાવ્યા હતા
ચીન સાથેના તાજા વિવાદને જોતાં ભારતે પણ આ વિમાનમાં તેના અનુસાર કેટલાક ફેરફાર કરાવ્યા છે. જેના કારણે વિમાન ઓછા તાપમાને પણ સરળતાથી સ્ટાર્ટ કરી શકાય છે. પ્રથમ બેચમાં ભારત પહોંચેલા 5 રાફેલ વિમાનોના 250 કલાકથી વધુની ફ્લાઇંગ અને ફિલ્ડ ફાયરિંગ પરીક્ષણો કરવામાં આવ્યા છે. આ વિમાનોને અંબાલા ખાતેના 17 ગોલ્ડન એરો સ્ક્વોડ્રોનમાં શામેલ કરવામાં આવ્યા છે.
રાફેલ ચીનના J 20 પર ભારે પડશે
ભારતીય રાફેલ ની તુલનામાં ચીન પાસે ચેંગડુ J 20 અને પાકિસ્તાનના
લડાકુ વિમાન છે. પરંતુ તે બંને રાફેલ કરતા થોડા ઓછી ક્ષમતા વાળા છે, ચીની J 20 ની મુખ્ય ભૂમિકા સ્ટીલ્ધ ફાઇટરની છે, જ્યારે રાફેલનો ઉપયોગ ઘણા હેતુઓ માટે થઈ શકે છે, આમ તે multirole fighter છે.
J 20 ની મૂળ રેન્જ 1,200 કિ.મી. છે જે 2,700 કિ.મી. સુધી લંબાઈ શકે છે. J 20 ની લંબાઈ 20.3 મીટરથી 20.5 મી. તેની ઊંચાઈ 4.45 મીટર અને પાંખોની પહોળાઈ 12.88-13.50 મીટરની વચ્ચે છે એટલે કે તે રાફેલ કરતા ઘણી મોટી છે.
ચીને પાકિસ્તાન ની JF 17 Thunder માં PF 17 મિસાઇલો ઉમેરી છે, પરંતુ તે હજુ રાફેલ ની મિટીઓર , હેમર અને સ્કલ્પ મિસાઈલ થી નબળી છે. ભારત પાસે તેના વિકલ્પમાં ઈઝરાયેલી ડર્બી અને પાયથોન મિસાઈલ અને સ્વદેશી અસ્ત્ર મિસાઈલ પણ છે.