ફ્રાંસની રાજધાની પેરિસમાં છેલ્લા 50 વર્ષની સૌથી મોટી હિંસા ફાટી નીકળી. મોંઘવારીના મુદ્દે હિંસક પ્રદર્શન પણ થયા. જેમાં 400 લોકોની પોલીસે ધરપકડ પણ કરી છે. હજારો લોકો રસ્તા પર ઉતર્યા અને ઠેર ઠેર આગચંપી અને તોડફોડના દ્રશ્યો સામે આવ્યા. પેટ્રોલ અને ડીઝલમાં ટેક્સ વધારો કરવામાં આવતા હજારો લોકો રોડ પર ઉતર્યા અને હિંસા ફેલાઈ.
પોલીસ પ્રવક્તાના જણાવ્યા મુજબ પેટ્રોલની કિંમતમાં વધારો થતા અને હાઈડ્રો કાર્બન ટેક્સ વધારાતા લોકો વિરોધ માટે રોડ પર ઉતર્યા. જેમાં પોલીસ અને પ્રદર્શનકારીઓ વચ્ચે અથડામણ પણ થઈ. આ વિરોધ પ્રદર્શનમાં 36 હજાર 500 લોકોએ ભાગ લીધો હતો.
જેને લઈને ફ્રાંસ સરકાર કટોકટી પણ જાહેર કરી શકે છે. તો ગત સપ્તાહમાં થયેલા વિરોધ પ્રદર્શનમાં 53 હજાર લોકોએ ભાગ લીધો હતો. ફ્રાંસના રાષ્ટ્રપતિએ સરકાર દ્વારા વધારવામાં આવેલા ટેક્સ વધારાના વિરોધમાં ચાલી પેરીસમાં ચાલી રહેલા હિંસક વિરોધથી થયેલા નુકસાન અંગે સંમીક્ષા કરી તેમજ આપાત્તકાલિન બેઠક બોલાવી.
ફ્રાંસની પોલીસ દ્વારા બહાર પાડવામાં આવેલા વીડિયોમાં કેટલાક પ્રદર્શનકારીઓ પોલીસના વાહનોની આગચંપી તેમજ તોડફોડ કરતાં જોવા મળે છે.