ખુશખબર / મોદી સરકાર માટે સારા સમાચાર, ભારતમાં જૂઓ સૌથી વધુ કોણે કર્યું રોકાણ

• 2019માં અત્યાર સુધીમાં FPIનું રોકાણ 82,575 કરોડ રૂપિયા
• મે 2014થી મોદી સરકારના સમયગાળાનું સૌથી મોટું રોકાણ
• ભારતમાં આ વર્ષે ફોરેન પોર્ટફોલિયો ઇન્વેસ્ટમેન્ટમાં ચીન બાદ બીજા નંબરે

2019માં અત્યાર સુધીમાં વિદેશી ફંડ દ્વારા 82,575 કરોડ રૂપિયાનું રોકાણ કરવામાં આવ્યું છે. આ મે 2014માં મોદી સરકારના પહેલા કાર્યકાળથી અત્યાર સુધીની સૌથી મોટી રકમ છે. ભારતમાં આ વર્ષે ફોરેન પોર્ટફોલિયો ઇન્વેસ્ટમેન્ટ (FPI) ચીન બાદ બીજા નંબરે છે. 

આ રોકાણ ખાસ કરીને મોટી વીમા કંપનીઓ તરફથી ક્વોલિફાઇડ ઇન્સ્ટીટયૂશન પ્લેસમેન્ટ (QIP) અને ઓફર ફોર સેલ (OFS) દ્વારા આવ્યાં છે જેમાં  ભારતના ઇતિહાસમાં કોર્પોરેટ ટેક્સમાં આવેલ સૌથી મોટો ઘટાડો તેમજ ઇન્ડિયન કરન્સીનું સારુ પ્રદર્શન પણ યોગદાન પુરુ પાડે છે. જ્યારે બીજી તરફ હોંગકોંગમાં અસ્થિરતા પણ ભારત તરફ આકર્ષણ વધારે છે. 

FPI દ્વારા 2014માં ભારતીય શેર બજારમાં 97,350 કરોડ રૂપિયાનું રોકાણ કર્યું હતું. જો કે જાન્યુઆરી અને મે મહિના દરમિયાન 41,000 કરોડ રૂપિયા આવ્યાં હતા, જ્યારે નરેન્દ્ર મોદીએ પીએમ તરીકે  26 મે, 2014ના રોજ શપથ લીધા હતા. 2015થી 2018 દરમિયા શેર બજારમાં FPI તરફથી આવેલ કુલ રકમ 57,656 કરોડ રૂપિયા હતી. 

20 સપ્ટેમ્બરના રોજ ભારતે બેઝિક કોર્પોરેટ ટેક્સ રેટ 35થી ઘટાડીને 25 ટકા કર્યો અને નવી મેન્યુફેકચરિંગ કંપનીઓ માટે 25 થી ઘટાડીને 15 ટકા કરવાની જાહેરાત કરી હતી. આ પગલાથી કંપનીઓનો નફો વધવાની સાથે રોકાણની ડિમાન્ડ મજબૂત બનવાની આશા છે.