સુખદ / 70 વર્ષથી વધુ ઉંમરના લોકોને મોટી રાહત, ચોથા બૂસ્ટર ડોઝને લઈને બ્રિટનની સ્ટડીનો મહત્વનો ખુલાસો

• બૂસ્ટર ડોઝ પર બ્રિટનમાં થયો મોટો સ્ટડી
• 70 વર્ષથી વધુ ઉંમરના લોકો માટે ચોથો બુસ્ટર ડોઝ ખૂબ અસરકારક 
• ચોથો બૂસ્ટર ડોઝ લાંબા ગાળાની સુરક્ષા આપે છે 

કોરોનાના બૂસ્ટર ડોઝને લઈને બ્રિટનમાં કરવામાં આવેલા સ્ટડીમાં ઘણા સારા પરિણામ મળ્યાં છે. સ્ટડી અનુસાર, કોવિડ રસીનો ચોથો બુસ્ટર ડોઝ 70 વર્ષ કે તેથી વધુ ઉંમરના વૃદ્ધોમાં અસરકારક સાબિત થયો છે. જેનાથી કોરોના સામે રક્ષણ વધે છે. બૂસ્ટર ડોઝના આ રિસર્ચમાં રિસર્ચરોનું કહેવું છે કે ચોથા ડોઝનો પીક રિસ્પોન્સ ઘણા કેસમાં ત્રીજા ડોઝ કરતા સારો રહ્યો છે.

કોરોના સામે મળશે લાંબા ગાળાની સુરક્ષા 
સ્ટડીમાં સૌથી મોટી રાહતના સમાચાર એ છે કે ચોથો બુસ્ટર ડોઝ કોરોના સામે લાંબા ગાળાની સુરક્ષા પ્રદાન કરે છે, તે ટૂંકા ગાળાની સુરક્ષા આપતો નથી પરંતુ લાંબા સમય સુધી સુરક્ષા જાળવી રાખે છે. ચોથા ડોઝના બે અઠવાડિયા પછી, આ અભ્યાસમાં સંખ્યાબંધ તારણો કાઢવામાં આવ્યા છે. બ્રિટનના હેલ્થ મિનિસ્ટર સાજિદ જાવિદને ટાંકીને કહેવામાં આવ્યું છે કે આ અભ્યાસના તારણો ખૂબ જ મહત્વપૂર્ણ છે અને તેના કારણે લોકોમાં જાગૃતિ આવી છે. તેમનો વારો આવતાની સાથે જ લોકો આગળ આવી રહ્યા છે અને બુસ્ટર ડોઝ જાતે જ લઈ રહ્યા છે. યુકેમાં નબળી રોગપ્રતિકારક શક્તિ ધરાવતા અને 75 વર્ષથી વધુ વયના લોકોને એપ્રિલથી કોરોના રસીનો ચોથો ડોઝ મળવાનું શરૂ થયું છે.

સ્ટડીના મોટા તારણ

• ચોથો બૂસ્ટર કોરોના સામે લાંબા ગાળાનું રક્ષણ આપે છે
• ત્રીજા ડોઝ કરતા વધારે સુરક્ષા પ્રદાન કરે છે 
• 70 વર્ષ કે તેનાથી વધુ વયના લોકો માટે છે ખૂબ કારગર 
• 70 વર્ષના ઉંમરના લોકોએ લેવો જોઈએ કોરોનાનો ચોથો બૂસ્ટર ડોઝ 
• અગાઉના ડોઝ કરતા ચોથો ડોઝ ઘણી વધારે ઈમ્યુનિટી પુરી પાડે છે 
• ઈઝરાયલ પણ આપી રહ્યું છે ચોથો બૂસ્ટર ડોઝ

અગાઉના ડોઝ કરતા ચોથો ડોઝ ઘણી વધારે ઈમ્યુનિટી પુરી પાડે છે 
સ્ટડીમાં સૌથી મોટી વાત એ કહેવામાં આવી છે કે અગાઉના ડોઝ કરતા ચોથો ડોઝ ખૂબ વધારે પડતી ઈમ્યુનિટી આપે છે. 

ઈઝરાયલ પણ આપી રહ્યું છે ચોથો બૂસ્ટર ડોઝ
 ઈઝરાયલ અને જર્મનીએ તમામ વયસ્કોને ચોથો ડોઝ આપવાનું શરૂ કરી દીધું છે. આરોગ્ય અધિકારીઓએ કહ્યું કે બૂસ્ટર ડોઝ વિશે વાત કરતા પહેલા, કોરોનાના નવા વેરિએન્ટ વિશે વિચારવું પડશે. હવે જોવાનું એ રહેશે કે નવો વેરિએન્ટ કેટલો ઘાતક છે, હોસ્પિટલોમાં આ વાયરસના કારણે દરરોજ કેટલા દર્દીઓ દાખલ થઈ રહ્યા છે. આ અભ્યાસમાં સામેલ તમામ લોકોને ફાઇઝરનો ડોઝ અથવા મોડર્નાનો અડધો ડોઝ આપવામાં આવ્યો હતો. આ તેને ત્રીજો ડોઝ મળ્યાના છ મહિના પછી આપવામાં આવ્યો હતો. તેમણે કહ્યું કે 100 ટકા લોકોના સારા પરિણામ આવ્યા છે. 70 વર્ષની વયના સહભાગીઓમાં, તેના સારા પરિણામો મળ્યા છે. તેનાથી ટી-સેલ્સની સંખ્યા વધે છે. જે સૂચવે છે કે તે લાંબા ગાળે ગંભીર રોગો સામે રક્ષણ પૂરું પાડે છે. જો કે આ અભ્યાસ મોટા પાયા પર કરવામાં આવ્યો નથી, તેમ છતાં વધુ સારા પરિણામો જાણવા માટે લાંબા સમય સુધી ચાલનારી રોગપ્રતિકારક પ્રતિક્રિયાનો અભ્યાસ જરૂરી છે. પરંતુ ધ લેન્સેટ ઇન્ફેક્શિયસ ડિસીઝમાં પ્રકાશિત અભ્યાસમાં કહેવામાં આવ્યું છે કે જો એન્ટિસ્પાઇક એન્ટિબોડીઝ ઝડપથી વધે છે, તો તે વધુ ઝડપથી ઘટશે, ત્રીજા ડોઝ દરમિયાન પણ તે જ જોવા મળ્યું છે.