બનાસકાંઠા / નરાધમે 4 વર્ષની બાળકી સાથે દુષ્કર્મ આચરીને પાલનપુર રેલવે ક્વાર્ટરમાં ફેંકી દીધી, ડૉક્ટરે તપાસ કરતા થયો પર્દાફાશ

• બનાસકાંઠામાં ફરી દુષ્કર્મનો ભોગ બની બાળકી
• 4 વર્ષની બાળકી સાથે દુષ્કર્મ
• પાલનપુર રેલવે સ્ટેશનની ઘટના

થોડા દિવસો અગાઉ બનાસકાંઠા જિલ્લામાં દુષ્કર્મની ઘટના બની હતી ત્યાં ફરી એકવાર માનવતાને શર્મસાર કરતી જઘન્ય ઘટના સામે આવી છે. બનાસકાંઠામાં પાલનપુર રેલવે સ્ટેશન પર દુષ્કર્મનો બનાવ બન્યો હતો. પાલનપુર બંધ રેલવે ક્વાર્ટરમાંથી ચાર વર્ષીય બાળકી બેભાન હાલતમાં મળી આવી હતી. બેભાન હાલતમાં બાળકીને સિવિલ હોસ્પિટલ ખસેડવામાં આવી હતી જ્યાં પ્રાથમિક તપાસ બાદ ડૉક્ટરે દુષ્કર્મની આશંકા દર્શાવી છે.

આ દુષ્કર્મની ઘટનાના પગલે સમગ્ર પંથકમાં રોષ ભભૂકી ઉઠ્યો છે. ઘટનાના પગલે રેલ્વે પોલીસે બાળકીને હોસ્પિટલ ખસેડી હતી. આ મામલે સ્થાનિક પોલીસ દ્વારા તપાસ હાથ ધરવામાં આવી છે. આ શરમજનક ઘટનાના પગલે હોસ્પિટલ લોકોના ટોળેટોળા દોડી આવ્યા હતા.

રાજકોટમાં દુષ્કર્મની બીજી ઘટના

રાજકોટમાં એક સપ્તાહમાં સામુહિક દુષ્કર્મની બીજી ઘટના બની છે. જિલ્લા બાદ શહેરમાં પણ સામૂહિક દુષ્કર્મની ઘટના બની છે. કેટરિંગના બહાને જેતપુરની મહિલાને રાજકોટ બોલાવી દુષ્કર્મ આચરવામાં આવ્યું હોવાનું સામે આવ્યું છે. ફ્લેટ પર લઈ જઈ ત્રણ શખ્સોએ મહિલા પર દુષ્કર્મ આચર્યું છે. મહિલાએ અભ્યમ દ્વારા પોલીસને જાણ કરી છે. બીજી તરફ જિલ્લામાં નોંધાયેલ દુષ્કર્મનાં આરોપીઓ પોલીસની પકડથી દુર છે.