ગોંડલ રોડ પર હોટલના ચોથા માળેથી બાળકી નીચે પટકાતા મોત નિંપજ્યું, બાળકી મોબાઈલમાં રમતા-રમતા બાળકી પડી હોવાનું પ્રાથમિક તારણ સામે આવ્યું છે પરિવાર લગ્નપ્રસંગે હોટલમાં આવ્યો ત્યારે આ ઘટના બની છે.
ગોંડલ રોડ પરની હોટલના ચોથા માળેથી પટકાઈ બાળકી
પ્રાથમિક તપાસમાં બાળકી મોબાઈલમાં વ્યસ્ત હોવાનું ખુલ્યું
મોબાઈલમાં રમતા-રમતા બાળકી પડી હોવાનું પ્રાથમિક તારણ
આજકાલ મોબાઈલ એક જીવન જરૂરી સાધન બની ગયું છે, પરતું મોબાઈલ જેટલો ઉપયોગી છે એટલો જ ઘાતક પણ છે એનું તાજું ઉદાહરણ રાજકોટમાં બનેલી આ ઘટના પરથી જાણી શકાય છે.. રાજકોટના ગોંડલ રોડ પર પરિવાર જ્યારે હોટલમાં લગ્નની મજા માણી રહ્યો હતો. ત્યારે એકાએકા પરિવારની લાડકી દીકરી હોટલના ચોથા માળેથી નીચે પટકાઈ હતી.. જેમાં બાળકીનું કરૂણ મોત નિપજતા પરિવાર અને લગ્ન પ્રસંગમાં મોતનો માતમ છવાઈ ગયો છે..
પ્રાથમિક તપાસમાં બાળકી મોબાઈલમાં વ્યસ્ત હોવાનું ખુલ્યું
રાજકોટ ગોંડલ રોડ પર બાળકીનો પરિવાર લગ્ન પ્રસંગે આવ્યો હતો..ત્યારે આ પરિવારમાં લગ્નનો ઉત્સાહ મોતના માતમાં ફેરવાઈ જશે તેવું વિચાર્યું પણ નહોંતું, પરિવારની લાડકવાઈ દીકરી હોટલના ચોથી માળેથી નીચે પટકાતા તેનું મોત નિપજ્યું છે.. પ્રાથમિક જાણકારી અનુસાર બાળકી મોબાઈલમાં વ્યસ્ત હોવાને કારણે આ ઘટના બની હોવાનું માનવામાં આવી રહ્યું છે. બાળકીને મોબાઈલ આપી છે માતા કામે લાગી ગઈ હતી હાલ મૃતક બાળકીને હાલ પીએમ અર્થે લઈ જવામાં આવી છે,.
મોબાઈલમાં રમતા-રમતા બાળકી પડી હોવાનું પ્રાથમિક તારણ
જો કે બાળકી નીચે પટકાઈ એની જાણ સુધ્ધા પણ પરિવારને ન હતી.. જો કે બાળકી નીચે પટકાતા ડ્રાઈવરને જાણ થતા તેણે બૂમો પાડતા લોકો એકઠા થઈ ગયા હતા અને બાદમાં સમગ્ર ઘટના અંગે પરિવારને જાણ થઈ હતી. જે બાદ પરિવારમાં મોતનો માતમ છવાઈ ગયો છે હાલ તો પોલીસે બાળકીને પીએમ અર્થે ખસેડીને આગળની કાર્યવાહી હાથ ધરી છે. મહત્વનું છે કે અગાઉ પણ મોબાઈલને કારણે અનેક એવી ઘટનાઓ સામે આવી છે જેમાં બાળકોએ જીવ પણ ગુમાવ્યા છે ત્યારે વધુ એક ઘટનાએ માતા પિતાની ચિંતા વધારી દીધી છે, મોબાઈલમાં વ્યસ્ત રહેતા માતા પિતા અને બાળકો માટે આ કિસ્સો એક ચેતવણી સમાન કિસ્સો છે.. જે બાદ બાળકો પ્રત્યે માતા પિતા સતર્ક રહે તે ખૂબ જરૂરી છે..