પ્રતિબંધ / લોકસભા ચૂંટણી દરમિયાન બેન થઇ શકે છે Whatsapp અકાઉન્ટ, જાણો શું છે કારણ

લોકસભા ચૂંટણી માટે પહેલા તબક્કાનું મતદાન 11 એપ્રિલે થઇ ગયું છે અને હવે છ તબક્કાનું મતદાન થવાનું બાકી છે. સોશિયલ મીડિયા અને મેસેજિંગ પણ ચૂંટણી દરમિયાન મોટો રોલ નિભાવે છે અને આ જ કારણ છે કે એની પર ફેક ન્યૂઝ અથવા મેસેજ ફેલાતા રોકવા માટે કડક પગલા ભર્યા છે. ફેસબુકની ઓનરશિપ વાળા વોટ્સએપએ ખોટી જાણકારી શેર કરનાર ઘણા નંબર્સને બ્લૉક કરી દીધા છે.  વોટ્સએપએ ઘણા યૂઝર્સ માટે ચેટ ફીચર ડિસેબલ કરી દીધું છે. જો તમે પણ વોટ્સએપ પર ચૂંટણીથી જોડાયેલી જાણકારી અથવા મેસેજ શેર કરી રહ્યા છો તો આ ચાર કારણોથી તમને પ્લેટફોર્મ પર બ્લોક અથવા બેન કરાવી શકે છે. 

વોટ્સએપ પર ઑટોમેટેડ મેસેજ, બલ્ક મેસેજ અથવા ઑટો ડાયલનો પ્રયત્ન કરવો જોઇએ નહીં, વૉટ્સએપ મશીન લર્નિંગ ટેક્નોલૉજી અને યૂઝર્સ દ્વારા રિપોર્ટ કરવામાં આવેલા યૂઝર્સ બંનેને યૂઝ કરે છે. જો તમે કોઇ યૂઝર્સને અનિચ્છિય મેસેજ મોકલો છો તો એ તમને રિપોર્ટ કરી શકે છે અને તમારું અકાઉન્ટ બેન કરી શકાય છે. 

વોટ્સએપ યૂઝર્સને કહે છે કે એ ક્યારેય પણ કોઇની પરવાનગી વગર એનો નંબર ઉપયોગ ના કરે અથવા એને મેસેજ ના કરે. એવી સ્થિતિમાં અજાણ લોકોને મેસેજ કરવો અથવા ગ્રુપ્સમાં એડ કરવા તમને બ્લોક કરાવી શકે છે. 

ઘણા યૂઝર્સની આદત હોય છે કે એ લિસ્ટની મદદથી બ્રૉડકાસ્ટ મેસેજ મોકલે છે અને એમની એક પેટર્ન હોય છે. વૉટ્સએપ કહે છે કે બ્રૉડકાસ્ટ લિસ્ટ પર મોકલવામાં આવેલા મેસેજ ત્યારે રિસીવ થશે જ્યારે બીજા યૂઝરનું કૉન્ટેક્ટ લિસ્ટમાં તમારો નંબર સેવ હશે. એવા મામલામાં વોટ્સએપ ઘણી વખત રિપોર્ટ થયેલા અકાઉન્ટ્સને બ્લોક કરી દે છે. 

વોટ્સએપ યૂઝ કરતી વખતે તમે નિયમો અને શરતોને લઇને પોતાની સહમતિ વ્યક્ત કરો છો, ત્યારે તમને એપનું એક્સેસ મળે છે. 
વોટ્સએપ કહે છે કે પ્લેટફોર્મ પર ગેરકાયદે, ધમકાવનાર, અશ્લીલ, ડર ફેલાવનાર અથવા આપત્તિજનક મેસેજ મોકલનાર પર યૂઝર નિયમોનું ઉલ્લંઘન કરે છે અને એમની વિરુદ્ધ એક્શન લેવામાં આવે છે.