ઓક્ટોબરમાં અનેક ગ્રહોની સ્થિતિ બદલાઈ રહી છે. મહિનાના આરંભમાં મંગળનું મેષમાંથી મીન રાશિમાં રાશિ પરિવર્તન થઈ રહ્યું છે. જે 24 ડિસેમ્બર સુધી કાયમ રહેશે. આ પછી 14 ઓક્ટોબરે બુધ તુલા રાશિમાં પ્રવેશ કરશે અને વક્રી ચાલથી 3 નવેમ્બરે માર્ગી થશે. 17 ઓક્ટોબરે સૂર્ય તુલા રાશિમાં આવશે. મહિનાના અંતમાં 23 ઓક્ટોબરે શુક્ર કન્યા રાશિમાં રહેશે. રાહુ અને કેતુ ના પરિવર્તન બાદ આ પહેલો મહિનો છે જેમાં 4 ગ્રહોની સ્થિતિ ફરશે.
ઓક્ટોબરમાં થશે 4 ગ્રહોના પરિવર્તન
જાણો ક્યારે ફરશે કયા ગ્રહની ચાલ
કઈ રાશિને માટે આ મહિનો રહેશે મુશ્કેલ
વૃશ્વિક
4 ગ્રહોના પરિવર્તનથી તમારા જીવનમાં અનેક ઉતાર ચઢાવ આવશે. કાર્યક્ષેત્રમાં પણ શત્રુઓ તમને મુશ્કેલીમાં મૂકી શકે છે. જોખમ ભર્યા રોકાણથી બચીને રહેવું. તમારો સ્વભાવ ચિડિયો થાય તેવું બની શકે. યાત્રા પર જવા માટે સમય શુભ નથી. કોઈ પણ એવું કામ કરવાનું ટાળો જેનાથી તમારા પર મુશ્કેલી આવી શકે તેમ હોય.
મીન
ચાર ગ્રહોનું ઓક્ટોબરમાં થનારું પરિવર્તન તમારી રાશિ માટે નકારાત્મક પરિણામ લાવશે. નોકરી બદલવાનો વિચાર કરી રહ્યા છો તો આ સમય તમારા માટે અનુકૂળ રહેશે નહીં. પ્રિયજનના સ્વાસ્થ્યની ચિંતા તમને હેરાન કરી શકે છે. ઓફિસમાં સાથે કામ કરનારાની સાથે વિવાદ કરવાનું ટાળો. જો તમે યાત્રાનો પ્લાન બનાવી રહ્યા છો તો તેને રોકી દો તે જરૂરી છે. લેન દેન કરવાનું ટાળો. શક્ય છે તમારે સાસરી પક્ષ સાથે મતભેદ થાય. માટે ચર્ચાથી દૂર રહો તે ઉત્તમ છે.