રિલાયન્સ જિયો પોતાના પ્રીપેડની સાથે પોસ્ટપેડ યુઝર્સ માટે JioPostPaid Plus લઇને આવ્યું. જેમાં કુલ 5 પોસ્ટપેડ પ્લાન છે. ખાસ વાત એ છે કે કંપનીનો એક પ્લાન એકસાથે 4 લોકો ઉપયોગ કરી શકે છે.
રિલાયન્સ જિયો એક ફેમિલી પોસ્ટપેડ પ્લાન લઈને આવ્યું
આ પ્લાન ચાર લોકોના પરિવાર માટે ઘણો ઉપયોગી થશે
આ પરિવાર અથવા મિત્રો માટે ત્રણ વધારાના કનેક્શન પ્રદાન કરશે
રિલાયન્સ જિયોએ એક ફેમિલી પોસ્ટપેડ પ્લાન રજૂ કર્યો
ભારતની સૌથી મોટી ટેલિકોમ ઓપરેટર રિલાયન્સ જિયોએ એક ફેમિલી પોસ્ટપેડ પ્લાન રજૂ કર્યો છે. કંપનીનો આ પ્લાન ચાર લોકોના પરિવાર માટે ઘણો ઉપયોગી થઇ શકે છે. ખરેખર કંપની JioPostPaid Plus હેઠળ કુલ 5 પોસ્ટપેડ પ્લાન ઑફર કરી રહી છે. જો તમારો પરિવાર પણ ચાર લોકોનો છે અને તમે બધા માટે અલગ-અલગ મોબાઈલ બિલની ચૂકવણી કરીને થાકી ગયા છો. તો અહીં Jioનો એક પોસ્ટપેડ પ્લાન છે, જે તમારી સમસ્યાઓનુ સમાધાન કરી શકે છે.
આ પ્લાન યુઝર્સને વધુ કનેક્શન પ્રદાન કરે છે
અમે જે પ્લાન અંગે વાત કરી રહ્યાં છે તે 999 રૂપિયામાં આવે છે. આ પરિવાર અથવા મિત્રો માટે ત્રણ વધારાના કનેક્શન પ્રદાન કરે છે. જિયોનો આ એકમાત્ર પ્લાન છે, જે યુઝર્સને વધુ કનેક્શન પ્રદાન કરે છે. આવો એક નજર કરીએ રિલાયન્સ જિયોના 999 રૂપિયાના પોસ્ટપેડ પ્લાન દ્વારા આપવામાં આવતી સુવિધાઓ પર.
Jioનો 999 રૂપિયાવાળો પોસ્ટપેડ પ્લાન
Reliance Jioના 999 રૂપિયાવાળા પોસ્ટપેડ પ્લાનમાં 200GB ડેટા મળે છે. ત્યારબાદ યુઝર્સ દ્વારા ડેટા ઉપયોગ કરાતા દરેક એકસ્ટ્રા જીબી ડેટા માટે 10 રૂપિયાની ચૂકવણી કરવી પડશે. Jio આ પ્લાનની સાથે ત્રણ એડિશનલ સિમ કાર્ડ આપે છે. આ સિમ કાર્ડ પ્રાઈમરી કનેક્શન હોલ્ડર દ્વારા તાત્કાલિક પરિવાર અથવા મનપસંદ લોકોને આપી શકાય છે. જિયોનો 999 રૂપિયાનો પોસ્ટપેડ પ્લાન 100 એસએમએસ/ દિવસ અને અનલિમિટેડ વૉઈસ કોલિંગની સાથે આવે છે. આ પ્લાનની સાથે આપવામાં આવતો ડેટા રોલ ઓવર 500GB સુધી છે.
પ્લાનની સાથે મળે છે OTT સબ્સ્ક્રીપ્શન
આ પ્લાનની સાથે યુઝર્સને Amazon Prime, Netflix, Disney+ Hotstar, JioTV, JioSecurity અને JioCloudનુ સબ્સ્ક્રીપ્શન મળે છે.