ખેડા મહેમદાવાદના હળદરવાસ નજીક અકસ્માત થયો હતો. ઇટો ભરેલ ટ્રકે રીક્ષાને ટક્કર મારી છે. આ અકસ્માતમાં બે મહિલાઓ સહિત 4 લોકોના મોત થયા છે. જ્યારે કેટલાક લોકો ઇજાગ્રસ્ત થયા હતા.
ખેડા-અમદાવાદ રોડ પર હળદરવાસ નજીક અકસ્માત
ઇંટો ભરેલ ટ્રકે રીક્ષાને મારી ટક્કર
પોલીસે ઘટના સ્થળે પહોંચી તપાસ હાથ ધરી
મહેમદાવાદ હાઇવે પર ઇંટો ભરેલ ટ્રક અને રીક્ષા વચ્ચે ધડાકાભેર અકસ્માત સર્જાયો હતો. હળદરવાસ તરફ જઇ રહેલ રીક્ષાને ટ્રક ચાલકે ટક્કર મારતા રીક્ષા પલટી ગઇ હતી. આ અકસ્માત સર્જાતા ઘટનાસ્થળે જ બે મહિલાઓના મોત નિપજ્યાં હતા. જ્યારે અન્ય બેને સારવાર અર્થે હોસ્પિટલ ખસેડવામાં આવી રહ્યા હતા. જ્યાં રસ્તામાં જ બન્નેના મોત થયા હતા. આ સમગ્ર ઘટનાના પગલે પોલીસે તપાસ હાથ ધરી છે.
તો આ તરફ મહેસાણા-વિસનગર હાઇ-વે પર અકસ્માત થયો છે. ફૂલ સ્પીડે આવી રહેલા અજાણ્યા વાહને સ્કૂટર ચાલકને અડફેટે લીધો હતો. જેમાં આ અકસ્માતમાં સ્કૂટર ચાલકનું મોત થયું છે. જ્યારે પોલીસે ઘટનાસ્થળે પહોંચી તપાસ હાથ ધરી છે.