લગ્ન કરીને પરત ફરી રહેલ વરરાજાની કારનો અકસ્માત નવવધૂ સહિત 3ના મોત

વલસાડના વાગલધરા પાસે અકસ્માતની ઘટના સામે આવી છે. વાગલધરા પાસે કાર અને ટ્રક વચ્ચે અકસ્માત થયો હતો. લગ્ન પ્રસંગથી પરત ફરી રહેલા પરિવારને અકસ્માત નડ્યો હતો.

આ ઘટનામાં 4 લોકોના ઘટનાસ્થળે મોત થયાં. જ્યારે 2 લોકો ઈજાગ્રસ્ત થયા હતા. ત્યારબાદ તાત્કાલિક ઈજાગ્રસ્તોને સારવાર અર્થે હોસ્પિટલમાં ખસેડાયા હતા.
 

#Valsad ના વાગલધરા નજીક ગમખ્વાર અકસ્માત
કાર અને ટ્રક વચ્ચે સર્જાયો અકસ્માત
અકસ્માતમાં 4ના મોત 2 ઇજાગ્રસ્ત
પારડીમા લગ્ન પ્રસંગથી પરત ફરી રહેલા પરિવારને નડ્યો અકસ્માત
ઇજાગ્રસ્તોને સારવાર અર્થે હોસ્પિટલમાં ખસેડાયા @GujaratPolice #Accident pic.twitter.com/XQaIfHcFkb

— VTV Gujarati News (@VtvGujarati) December 14 2018

આ ઘટના મામલે મળતી જાણકારી મુજબ આજરોજ વલસાડના વાગલધરા હાઇવે નજીક કાર અને ટ્રક વચ્ચે ગંભીર અકસ્માત સર્જાયો હતો. લગ્ન પ્રસંગ પૂર્ણ કરીને પરત ફરી રહેલા પરિવારજનોની કાર સાથે આઇસર ટ્રક ધડાકાભેર અથડાઇ હતી. આ ટક્કરને કારણે કારમાં સવાર 4 લોકોના ઘટના સ્થળે જ કમકમાટી ભર્યા મોત થયાં હતા તો 2 લોકો ગંભીર રીતે ઘાયલ પણ થયાં હતા.
 

આ મામલા અંગેની જાણ સ્થાનિક પોલીસને થતાં જ પોલીસ કાફલો ઘટના સ્થળે આવી પહોંચ્યો હતો અને ઘાયલ થયેલા લોકોને વધુ સારવાર અર્થે નજીકના દવાખાને ખસેડવા માટે કામગીરી હાથ ધરવામાં આવી હતી. આ બનાવને પગલે હાઇવે પર ટ્રાફિક જામના દ્રશ્યો જોવા મળ્યા હતા.