સુરતના સાયણમાંથી નશાના સોદાગર બેનકાબ, SOG પોલીસે બાતમીના આધારે 54 કિલો ગાંજા સાથે ચાર ઇસમોને ઝડપી પાડ્યા. જ્યારે ત્રણ ઇસમોને વોન્ટેડ જાહેર કરી વધુ પોલીસે વધુ તપાસ હાથધરી છે.
સુરત જીલ્લાના સાયણ પોલીસની હદમાં આવેલ કારેલી ગામની હદમાં આવેલ સિદ્ધિ રેસીડન્સી મકાન નંબર 80માં કેટલાક સમયથી શકાસ્પદ હિલચાલ થતી હોવાની બાતમી સુરત ગ્રામ્ય સ્પેશીયલ ઓપરેશન ગ્રુપને મળી હતી. પોલીસ છેલ્લા કેટલા સમયથી વોચમાં હતા. ત્યારે પોલીસે ચોક્કસ બાતમીના આધારે રેડ કરતા પોલીસ પણ ચોંકી ઉઠી હતી. સિદ્ધિ રેસીડન્સી મકાનમાંથી મોટી માત્રામાં ગાંજા મળી આવ્યો હતો, તેમજ ઘટના સ્થળ પરથી ચાર ઇસમોને રંગેહાથ ઝડપી પાડ્યા હતા.
સુરત શહેર અને જિલ્લામાં નશાખોરો અને તેના વ્યાપાર સાથે સંકળાયેલા ગુનેગારોએ માઝા મૂકી હોઈ તેમ સુરતમાં ગાંજાનું સેવન કરતા લોકોમાં પણ હવે વધારો થઈ રહ્યો છે. છાસવારે સુરત શહેર તેમજ જિલ્લાના વિસ્તારમાં ગાંજો મોટી માત્રામાં ઝડપાટો રહેતો હોય છે. જોકે સુરત જિલ્લા સ્પેશિયલ ઓપરેશન ગ્રુપના હાથે પકડાયેલા આરોપી ઉપેન્દ્ર ઉર્ફે પિન્ટુ સુદર્શન પ્રધાન પોતે 2 વર્ષથી ગાંજાના ધંધા સાથે સંકળાયેલો હોવાની કબુલાત કરી હતી અને ગાંજો તેલગાના રાજ્યના કાંચીગુડા ગામના ઇમરાન નામના ઇસમ પાસેથી ગાંજો લાવ્યો હતો અને તેના અન્ય ત્રણ મિત્રો સાથે મળી સુરત શહેરના અશ્વિની કુમાર વિસ્તારમાં ગાંજો સગેવગે કરતા હતા અને ત્યારબાદ તેના પૈસા સરખે ભાગે વહેંચી લેતા હતા.
હાલ તો પોલીસે આરોપી પાસેથી 3.24 લાખની કિમતનો ગાંજો, 6 મોબાઈલ, એકટીવા સહિત અન્ય પુરાવા મળી 3.60 લાખનો મુદામાલ કબજે કરી ચારને ઝડપી પાડ્યા હતા જયારે ત્રણને વોન્ટેડ જાહેર કરી વધુ તપાસના ચક્રોગતિમાન કર્યા છે.