મોરબીમાં યુવકને હની ટ્રેપમાં ફસાવી રૂપિયા 10 લાખ પડાવનાર 4 શખ્સોની પોલીસે ધરપકડ કરી છે. આ ચાર શખ્સોમાં આશિષ આદ્રોજા ધવલ આદ્રોજા વિપુલ ચૌહાણ અને તુલસી સંખેરિયાનો સમાવેશ થાય છે. મળતી માહિતી મુજબ યુવકને કામના બહાને બોલાવી યુવતી સાથે સંપર્ક બનાવી ફસાવ્યો હતો.
જેમાં યુવકનો યુવતી સાથે વીડિયો બનાવવામાં આવ્યો હતો અને રૂપિયા 10 લાખની માગણી કરી હતી. તેમજ જો રૂપિયા નહીં આપે તો વીડિયો વાયરલ કરી બદનામ કરવાની ધમકી આપી હતી. તેમજ રૂપિયા 10 લાખ પડાવ્યા બાદ વધુ રૂપિયા 15 લાખની માગણી કરવામાં આવી હતી.
આ મામલે મળતી વધુ માહિતી મુજબ મોરબીના એક યુવકને શહેરના બાયપાસ બોલાવીને એક વ્યક્તિએ મોબાઇલ ફોનમાં વીડીયો કલીપ બતાવેલ જે ફરી એ ઘડીયાળના કારખાનાના ગોડાઉનમાં જે મહીલા સાથે શરીર સંબંધ બાંધેલ તે બાબતની હોય જેથી તેણે આ ક્લિપ ડીલીટ કરવાનું કહેતા આજીજી કરેલ પરંતુ તેની પાસેથી રૂપીયા 10 લાખની માંગણી કરવામાં આવી હતી.
જો કે યુવકે 3 લાખ રૂપિયા આપ્યા બાદ વારંવાર તેને ફોન કરીને માનસિક તણાવ આપતા અંતે કંટાળીને શહેરના પોલીસ મથકે આ બાબતની જાણ કરતાં પોલીસ હરકતમાં આવી હતી અને આ પ્રકારની માંગણી કરનાર શખ્સોની શોધખોળ હાથધરી ધરપકડ કરી હતી.