ખગોળીય ઘટના / એકસાથે ચાર ચંદ્ર દેખાશે! પ્રથમ વાર સર્જાશે આવો અદભુત નજારો, સાથે દેખાશે સર્વશ્રેષ્ઠ ઉલ્કાપાત

6 ડિસેમ્બરે અવકાશમાં એક વિશિષ્ટ ઘટના બનશે, કારણ કે ગુરુ ગ્રહ પૃથ્વીથી તેની સૌથી નજીક રહેશે. આ દિવસે ગુરુ પૃથ્વીથી લગભગ 61 કરોડ કિલોમીટર દૂર હશે, જે તેના મહત્તમ અંતર કરતાં 35 કરોડ 70 લાખ કિલોમીટર નિજીક રહેશે. આ સમયે ગુરુ સંપૂર્ણ રીતે પ્રકાશિત રહેશે, કેમ કે તે સૂર્યની વિરુદ્ધ દિશામાં છે. એ દિવસે ગુરુના ચાંદરો, જેમ કે યુરોપા, આઈઓ, ગેનીમેડ અને કેલિસ્ટો, ટેલિસ્કોપ વડે સરળતાથી જોવામાં આવશે.

શુક્રવારે, જ્યારે ગુરુ પૃથ્વીની સૌથી નજીક હશે, ત્યારે તેનું પૃથ્વીથી અંતર લગભગ 61 કરોડ કિલોમીટર હશે અને તે પૃથ્વીથી તેના મહત્તમ અંતર કરતાં 35 કરોડ 70 લાખ કિલોમીટર નજીક હશે. એક્સપર્ટના અનુસાર સૂર્ય, ચંદ્ર અને શુક્ર પછી આકાશમાં તેની ચમક સૌથી વધુ હશે. આ સમય દરમિયાન, એક સામાન્ય ટેલિસ્કોપ વડે, ગુરુના ક્લાઉડ બેન્ડ સાથે તેના ચાર સૌથી મોટા ચંદ્રો યુરોપા, આઈઓ, ગેનીમેડ અને કેલિસ્ટો પણ ગ્રહની બંને બાજુએ તેજસ્વી બિંદુઓ તરીકે જોઈ શકાય છે.

ગેનીમીડ એ સૌરમંડળનો સૌથી મોટો ચંદ્ર છે

ગુરુનો ચંદ્ર ગેનીમીડ એ સૌરમંડળનો સૌથી મોટો ચંદ્ર છે અને સૌરમંડળનો 9મો સૌથી મોટો પદાર્થ છે. તેનો વ્યાસ 5,148 કિલોમીટર છે અને તે પૃથ્વીના ચંદ્રના કદ કરતા બમણા અને બુધ ગ્રહ કરતા મોટો છે. જો કે વર્ષનો શ્રેષ્ઠ જેમિનીડ્સ ઉલ્કાવર્ષા આ મહિને 13 અને 14 ડિસેમ્બરે તેની ટોચ પર હશે. આ સમયગાળા દરમિયાન દર કલાકે 120 બહુરંગી ઉલ્કાઓ જોવા મળશે. આ ઉલ્કાઓ એસ્ટરોઇડ 3200 ફેથોન દ્વારા છોડવામાં આવેલા કાટમાળમાંથી આવે છે, જે 1982 માં મળી આવી હતી. ઉલ્કાઓ સમગ્ર આકાશમાં ગમે ત્યાં દેખાઈ શકે છે.

શુક્ર આ દિવસોમાં સૌથી તેજસ્વી દેખાય છે

જો તમે સૂર્યાસ્ત પછી આકાશ તરફ જોશો, તો તમને એક ખૂબ જ તેજસ્વી પદાર્થ દેખાશે જે શુક્ર ગ્રહ છે. શુક્ર ગ્રહ આકાશમાં ખૂબ જ તેજસ્વી દેખાય છે, જેને સાંજનો તારો પણ કહેવામાં આવે છે. આ સમયે તેની ચમક સૌથી વધુ છે કારણ કે આજકાલ તે સૂર્યથી તેના અંતરની તુલનામાં ખૂબ નજીકના બિંદુ પર છે.

આ પણ વાંચો : દક્ષિણ કોરિયામાં માર્શલ લોનો વિરોધ, રસ્તા પર ઉતર્યા લોકો; રાષ્ટ્રપતિએ પાછો ખેંચી લીધો આદેશ

શુક્ર અને ચંદ્રનો સંયોગ જુઓ

4 ડિસેમ્બર, સૂર્યાસ્ત પછી તરત જ, શુક્ર અને ચંદ્ર ખૂબ નજીક આવશે અને ખૂબ જ આકર્ષક જોડાણ રચશે. તાજેતરના નવા ચંદ્રને પગલે, આ રાત્રે ચંદ્ર ધૂંધળો પ્રકાશિત નવો ચંદ્ર હશે, જ્યારે શુક્ર તેના સૌથી તેજસ્વી પર હશે. આ બંને વચ્ચેનો તફાવત બે ડિગ્રીથી ઓછો હોવાથી બંને ખૂબ નજીક અને આકર્ષક દેખાશે. આ દ્રશ્ય બે કલાક સુધી જોઈ શકાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ