ગૂડ ન્યૂઝ / યુવાનો માટે આશાસ્પદ ! હવે છૂટી નોકરીઓ, સંગઠિત સેક્ટરની 9 કંપનીઓએ આપી 4 લાખ નોકરી

• દેશની ઈકોનોમી દોડી રહી છે પુરપાટ
• કેન્દ્રીય શ્રમ અને રોજગાર મંત્રાલયે રોજગારી સર્વે જાહેર કર્યો
• 2021માં 9 સંગઠિત ક્ષેત્રોએ 4 લાખ લોકોને રોજગારી આપી 

દેશમાં હવે રોજગારીનો વાયરો ફૂંકાઈ રહ્યો છે. નોકરી ઝંખતા લોકો માટે સારા સમાચાર છે. અર્થવ્યવસ્થામાં સુધારાની સાથે જ રોજગારના મોરચેથી સારા સમાચાર આવવા લાગ્યા છે. નવી ભરતીઓ વધી રહી છે અને બેરોજગારોની સંખ્યા ઘટી રહી છે. રોજગાર વધારવાનો આ ટ્રેન્ડ આગામી મહિનાઓમાં પણ ચાલુ રહી શકે છે.

Happy to inform the report on 3rd Round (Oct –Dec, 2021) of Quarterly Employment Survey shows a rising trend in employment in organised sector, employing 10 or more workers, of the selected 9 sectors.

Number of workers employed after third round of QES stands at 314.54 lakh. pic.twitter.com/o2Ei5aZDlk

— Bhupender Yadav (@byadavbjp) April 28, 2022

નવ સંગઠિત ક્ષેત્રોએ 4 લાખ લોકોને રોજગારી પૂરી પાડી

સરકારી આંકડા મુજબ ડિસેમ્બર 2021 ના ત્રિમાસિક ગાળામાં નવ મોટા સંગઠિત ક્ષેત્રોએ 4 લાખ લોકોને નવી રોજગારી પૂરી પાડી હતી. કેન્દ્રીય શ્રમ અને રોજગાર મંત્રાલયે ગુરુવારે ત્રિમાસિક રોજગાર સર્વેક્ષણ જાહેર કરતી વખતે આ વાત કહી હતી. તેના અનુસાર સપ્ટેમ્બર 2021 ક્વાર્ટરમાં સંગઠિત ક્ષેત્રમાં કામદારોની સંખ્યા 3.10 કરોડ હતી, જે ડિસેમ્બર 2021 ના ક્વાર્ટરમાં વધીને 3.14 કરોડ થઈ ગઈ છે.

ડિસેમ્બર 2021 ના ત્રિમાસિકમાં વધી કામદારોની સંખ્યા
કેન્દ્રીય શ્રમ પ્રધાન ભૂપેન્દ્ર યાદવે પણ આ અંગે ટ્વીટ કર્યું હતું. તેમણે મંત્રાલયના રોજગાર સર્વેક્ષણનો ઉલ્લેખ કરતા કહ્યું કે, "એ નોંધવું આનંદદાયક છે કે ત્રિમાસિક રોજગાર સર્વેક્ષણ (ઓક્ટોબર-ડિસેમ્બર 2021) ના ત્રીજા રાઉન્ડમાં, 9 સંગઠિત ક્ષેત્રમાં 10 કે તેથી વધુ કામદારોને રોજગારી આપતા કામદારોની સંખ્યામાં વધારો થયો છે." તેમણે મંત્રાલયના રોજગાર સર્વેક્ષણનો ઉલ્લેખ કરતા જણાવ્યું હતું કે, આ સમયગાળા દરમિયાન કામદારોની સંખ્યા વધીને 3 કરોડ 14 લાખ 54 થઈ ગઈ છે.

મેન્યુફેક્ચરીંગ સેક્ટરમાં સૌથી વધારે કામદાર 

2021માં શિક્ષણ ક્ષેત્રે 69.26 લાખ કામદારો આવ્યા હતા. જે કુલ કામદારોના 22 ટકા છે. જ્યારે આઇટી-બીપીઓ સેક્ટરમાં 34.47 લાખ, હેલ્થ સેક્ટરમાં 32.86 લાખ, વેપારમાં 16.81 લાખ, ટ્રાન્સપોર્ટમાં 13.20 લાખ અને ફાઇનાન્શિયલ સર્વિસિસ સેક્ટરમાં 8.85 લાખ લોકોને રોજગારી મળી હતી. હોટલ અને રેસ્ટોરન્ટ સેક્ટરમાં કામદારોની સંખ્યા 8.11 લાખ અને બાંધકામ ક્ષેત્રે 6.19 લાખ હતી. મેન્યુફેક્ચરીંગ સેક્ટરમાં સૌથી વધારે લોકોને રોજગારી મળી હતી. 

કયા નવ ક્ષેત્રોએ આપી વધારે રોજગારી 
સૌથી વધારે નોકરીઓ આપનાર નવ ક્ષેત્રોમાં મેન્યુફેક્ચરીંગ, કન્ટ્રક્શન, ટ્રેડ, ટ્રાન્સપોર્ટ, એજ્યુકેશન, હેલ્થ, એકોમોડેશન એન્ડ રેસ્ટોરન્ટ, આઈટી-બીપીઓ અને ફાઈનાન્સિયલ સેવાઓ સામેલ છે.