અમરેલીના બાબાપુર ગામ નજીક બગસરા રોડ પર ગમખ્વાર અકસ્માત સર્જાયો છે. આ અકસ્માતમાં ચાર લોકોના મોત નિપજ્યાં છે. જ્યારે અન્ય ત્રણ વ્યક્તિઓ ઇજાગ્રસ્ત થઇ છે. તો ભરૂચમાં થયેલા અકસ્માતમાં બે વ્યક્તિઓના મોત થયા છે. આમ, રાજ્યમાં બે અલગ અલગ અકસ્માતમાં કુલ 6 લોકોના મોત થયા છે.
સોમવારે રાજ્યમાં બે અલગ અલગ અકસ્માતમાં 6ના મોત
બાબાપુર ગામ પાસે કાર અને ટ્રક વચ્ચે અકસ્માતમાં 4ના મોત
થામ ગામ પાસે અકસ્માતમાં 2 લોકોના મોત
અમરેલીના બગસરા રોડ પર કાર અને ટ્રક વચ્ચે ધડાકાભેર અકસ્માત સર્જાયો હતો. આ અકસ્માતમાં બે મહિલા અને બે બાળકોના મોત થયા છે. અન્ય ત્રણ વ્યક્તિઓ ઇજાગ્રસ્ત થઇ છે. ઇજાગ્રસ્તોને સારવાર અર્થે રાજકોટ હોસ્પિટલ ખસેડવામાં આવ્યા છે. મહત્વનું છે કે, એક જ કારમાં 7 લોકો સવાર હતા. ચારના ઘટના સ્થળે મૃત્યુ થયા છે. આ મૃતકમાં સાસુ-વહુ અને બે બાળકો(ભાઈ-બહન)નો સમાવેશ થાય છે.
ભરૂચના જંબુસર રોડ પર થામ ગામ પાસે અકસ્માતમાં બે વ્યક્તિના મોત
ભરૂચના જંબુસર રોડ પર થામ ગામ પાસે અકસ્માત થયો છે. આ અકસ્માતમાં બે વ્યક્તિના મોત નિપજ્યાં છે. તેમજ બાઇક સ્લીપ થયા બાદ ટેન્કર ફરી વળ્યું હતું. જેમાં બંને વ્યક્તિના ઘટનાસ્થળે જ મૃત્યુ થયું હતું. પોલીસે ઘટનાસ્થળે પહોંચી તપાસ હાથ ધરી છે.