નખત્રાણાના ટોડીયા નજીક ગમખ્વાર અકસ્માત થયો છે. કાર અને ટ્રેલર વચ્ચે અકસ્માત થતા એક જ પરિવારના ચાર લોકોના મોત થયાં છે. આ અંગે પોલીસે ઘટના સ્થળે પહોંચી કાર્યવાહી હાથ ધરી છે.
નખત્રાણાના ટોડીયા નજીક ગમખ્વાર અકસ્માત
કાર અને ટ્રેલર અચાનક સામ સામે આવી જતા થઇ ટક્કર
અકસ્માતમા એક જ પરિવારના 4 લોકોના થયા મોત
કચ્છના નખત્રાણાના મથલ ગામના ટોડીયા ફાટક પાસે કાર અને ટ્રેલર વચ્ચે ધડાકાભેર અકસ્માત સર્જાયો હતો. જેમાં એક પરિવારના ચાર લોકોના ઘટનાસ્થળે મોત નિપજ્યાં છે. જેમાં ત્રણ મહિલા અને એક પુરૂષનું મોત થયું છે. આ અકસ્માતમાં ગંભીર રીતે ઇજાગ્રસ્ત થયેલ એક વ્યક્તિને 108 એમ્બ્યુલન્સ દ્વારા નખત્રાણા સામુહિક આરોગ્ય કેન્દ્ર સારવાર અર્થે ખસેડવામાં આવી હતી.
અચાનક બન્ને વાહનો સામ સામે આવી જતા થઇ ટક્કર
આ અકસ્માત બન્ને વાહનો સામ સામે અથડાતા બન્યો છે. આ અકસ્માતમાં ટક્કર એટલી ભયંકર હતી કે કારનો કચ્ચર ઘાણ બોલી ગયો હતો. લોકો પણ ગાડીની બહાર ફેંકાઇ ગયા હતા. પ્રાથમિક માહિતી અનુસાર, અકસ્માતનો ભોગ બનેલા તમામ લોકો એક જ પરિવારના છે. તેઓ ભુજના રામનગરીમાં રહેતા હતા.
મૃતકોના નામ
શંભુભાઈ પરમાર
રામુબેન પરમાર
જ્યોતિબેન પરમાર
હીરુબેન પરમાર
અકસ્માત સર્જાતા તાત્કાલિક સ્થાનિકોએ 108 અને પોલીસને જાણ કરી દીધી હતી. પરંતુ ત્યાં સુધીમાં ચાર લોકોના ઘટનાસ્થળે મોત નિપજ્યાં હતા જ્યારે એક ઇજાગ્રસ્તને સારવાર અર્થે ખસેડાયો છે.