પાટણઃ આડિસર ચેકપોસ્ટ પાસે ગમખ્વાર અકસ્માત થયો છે. ટેમ્પાને પાછળથી ગાડીએ ટક્કર મારતા અકસ્માત સર્જાયો છે. અકસ્માત થતાં ઘટનાસ્થળે ચાર લોકોના મોત થયા છે. આ અકસ્માતમાં 35થી વધુ લોકો ગંભીર રીતે ઘાયલ થયા છે.
ઘાયલોને સારવાર અર્થે મહેસાણાની હોસ્પિટલ ખસેડાયા છે. તમામ લોકો એક જ પરિવારના કચ્છ ભચાઉના રહેવાસી છે. ભાભર તાલુકાના સુથાર નેસડી ગામે બેસણામાં જતા અકસ્માતની ઘટના બની હતી.
આ અકસ્માત મોડી રાત્રે 2 વાગ્યે થયો હતો. જેમાં ટેમ્પોને પાછળથી કારે ટક્કર મારતા ગમખ્વાર અકસ્માત સર્જાયો હતો. જેને લઇ રોડ પર લોકોના ટોળા ઉમટ્યાં હતા. જેમાં ઇજાગ્રસ્તોને સાંતલપુર-રાધનપુર હોસ્પિટલ ખસેડાયા હતા બાદમાં મહેસાણાની હોસ્પિટલ લઇ જવાયા હતા.
ભચાઉથી નીકળેલા લોકો ટેમ્પોમાં ભાભરના સુથાર નેસડી ગામે બેસણામાં જઇ રહ્યા હતા. તે દરમિયાન આ અકસ્માત સર્જાયો હતો. જો કે આ અકસ્માતનો ભોગ બનેલા તમામ એક જ પરિવારના હતા.
રાધનપુર આડિસર ચેકપોસ્ટ પાસે આયસર ટ્રક સહિત ટ્રિપલ અકસ્માત સર્જાયો હતો. જેમાં ઘટનાસ્થળે જ 4 લોકોનાં મોત નિપજ્યાં હતાં. જ્યારે 35થી વધુ ઘાયલ થયા છે. આ ઉપરાંત 5 લોકોને ગંભીર ઈજા પહોંચતા મહેસાણા ખસેડવામાં આવ્યા છે. અકસ્માત થતાં જ લોકોના ટોળાં એકઠા થઈ ગયા હતાં. આ તમામ નેસડી ગામે બેસણામાં જતાં હતાં.