નાણાંકીય કંપની દીવાન હાઉસિંગ ફાયનાન્સ લિમિટેડ (DHFL)ને માટે બોલી લગાવનારી 4 કંપનીઓમાં અદાણી ગ્રૂપ અને પીરામલ એન્ટરપ્રાઈઝનો સમાવેશ ખાય છે. DHFL દેવાળિયા પ્રક્રિયામાં રાખવામાં આવેલી પહેલી નાણાંકીય સેવા કંપની છે. આ કંપની માટે 40000 કરોડ રૂપિયાની બોલી લાગી છે.
DHFL કંપની બની દેવાદાર
કંપનીને ખરીદવા અદાણી અને પિરામલ લાઈનમાં
40000 કરોડની લાગી બોલી
વિદેશી કંપનીઓ પણ છે સામેલ
મળતી માહિતી અનુસાર DHFL માટે અમેરિકા સ્થિત ઓક્ટ્રી અને હોંગકોંગની એસસી લોવીએ છેલ્લી બોલી માટે 17 ઓક્ટોબરનો દિવસ રાખ્યો હતો. હાલમાં સાર્વજનિક વિસ્તારના પંજાબ નેશનલ બેંકે દીવાન હાઉસિંગ ફાયનાન્સ લિ. ને આપેલા 3688.58 કરોડ રૂપિયાની લોનને ફ્રોડ જાહેર કરી છે.
અનેક ગોટાળામાં સામેલ છે DHFL
આ એ કંપની છે જે યસ બેંકમાં પણ લોનની દગાખોરી માટે લઈને તપાસમાં છે. કંપનીના પ્રમોટર વધાવન બંધુ કસ્ટડીમાં છે. પ્રવર્તન નિદેશાલયના અનુસાર તેમની સંપત્તિ કુર્ક છે. યેસ બેંક લોન ગોટાળામાં ઈડીએ બેંકના પૂર્વ પ્રમુખ રાણા કપૂર અને DHFL ના પ્રમોટર્સ કપિલ વધાવન અને ધીરજ વધાવનની 2400 કરોડ રૂપિયાની પ્રોપર્ટી એટેચ કરી છે. તેમાં રાણા કપૂરની 1000 કરોડની અને વધાવન બંધુની 1400 કરોડ રૂપિયાની પ્રોપર્ટી સામેલ છે.
નવેમ્બરમાં દેવાળિયા પ્રક્રિયાને મળી મંજૂરી
ભારતીય રિઝર્વ બેંકે નવેમ્બરમાં DHFL ને દેવાદાર જાહેર કરીને નેશનલ કંપની લો ટ્રાઈબ્યુનલના હવાલે કરી હતી. તેને આરબીઆઈની ધારા 227ના આધારે વિશેષ શક્તિઓનો ઉપયોગ કરીને એનસીએસટીમાં મોકલાઈ. કંપનીએ બોર્ડને બરખાસ્ત કરી દીધું અને સુબ્રમણ્યમ કુમારને પ્રશાસક બનાવ્યા. તેઓ આઈબીસીના આધારે રિઝોલ્યુશન પ્રોફેશનલ પણ છે.
અદાણી ગ્રૂપે 40 હજાર કરોડ રૂપિયાની બોલી લગાવી
ઓકટ્રીએ આખી કંપની માટે રૂ .20,000 કરોડની બોલી લગાવી છે, જ્યારે કંપનીની દેવાદારી 95,000 કરોડ રૂપિયા અને રોકડ 10,000 કરોડ રૂપિયાની છે. તેથી ઓક્ત્રીની બોલી સ્વીકારવાનો અર્થ બેંકો દ્વારા 65,૦૦૦ કરોડ રૂપિયાના ઉધારનું રાઈટ ઓફ કરવાનું રહેશે. અદાણી સમૂહે 40000 કરોડ રૂપિયાના થોક અને ઝુપડીઓના પુનર્વાસ માટે પોર્ટફોલિયોની બોલી લગાવી છે. જેની કિંમત લગભગ 3000 કરોડની છે.
પિરામલે 12000 કરોડ રૂપિયાની બોલી લગાવી
પીરામલ એન્ટરપ્રાઇઝે DHFL ના રિટેલ પોર્ટફોલિયો માટે બોલી લગાવી છે. કંપનીએ આ વ્યવસાય માટે 12,000 કરોડની બોલી લગાવી છે. બેન્કર્સના મતે ચોથી બોલી લગાવનાર એસસી લોવીની બોલીમાં ઘણી શરતો છે, જેને ધ્યાનમાં લેવાનું શક્ય લાગતું નથી.