શિયાળો અને કોરોનાનો કહેર એક સાથે વ્યાપી રહ્યો છે ત્યારે જરૂરી છે કે આ સીઝનમાં તમે પોતાની ઈમ્યુનિટીને સારી રાખો. આ સાથે તમે સીઝનલ બીમારી સામે લડવાની તાકાત રાખો તે જરૂરી છે. આ માટે તમે તમારી રસોઈમાં રહેતી આ 4 ચીજોને જો તમારા ડાયટમાં સામેલ કરી લો છો તો તમારે વધારે ચિંતા કરવાની જરૂર નથી. તો કરી લો આ કામ.
શિયાળામાં રાખો ડાયટનું ખાસ ધ્યાન
રસોઈની આ 4 ચીજોનો કરો ખાસ ઉપયોગ
ઈમ્યુનિટી મજબૂત રહેશે તો નહીં પડો બીમાર
શિયાળાની ઠંડી તેનું કામ કરી રહી છે. આ સમયે હેલ્થનું ધ્યાન રાખવાનું જરૂર બન્યું છે. આ ઠંડીના કારણે વાયરલ ઈન્ફેક્શન અને સાથે શરદી અને ખાંસીની તકલીફ પણ રહે છે. પરંતુ જો તમે રસોઈની કેટલીક ચીજો જેમકે, તજ, હળદર, ચા અને દહીંનો ઉપયોગ કરો છો તો તમે થોડી રાહત મએળવી શકો છો.
સીઝનલ બીમારીથી બચવામાં તમને તમારી ઈમ્યુન સિસ્ટમ મદદ કરે છે. માટે શિયાળામાં તમે તમારી ઈમ્યુન સિસ્ટમને સાચવો તે જરૂરી છે. તજ, હળદર, ચા વગેરે તમારા શરીરને અંદરથી ગરમી પૂરી પાડે છે. તો જાણો કઈ રીતે તમે આ ચીજોનો ઉપયોગ તમારા ડાયટમાં કરી શકો છો.
ચા
શિયાળાની સીઝનમાં સૌથી પસંદ કરાતી ચા તમને ઠંડીથી બચાવવામાં મદદ કરે છે. ચામાં આદુ મિક્સ કરી લેવાથી સ્વાસ્થ્યને ફાયદો રહે છે. આદુની ચાનું સેવન શિયાળાની ખાંસી અને શરદીની સાથે સાથે ગળાની ખરાશને પણ દૂર કરવામાં મદદ કરે છે.
તજ
તજને સૌથી વધારે મસાલાના રૂપમાં વાપરવામાં આવે છે. આ એક એવો મસાલો છે જે અનેક રોગોથી બચવામાં પણ મદદ કરે છે. જો તમે તજને શાકમાં, દાળમાં અને ચાના મસાલામાં પણ વાપરી શકો છો.
દહીં
દહીંને સ્વાસ્થ્ય માટે ફાયદારૂપ માનવામાં આવે છે. દહીંમાં વિટામીન સી અને ફાઈબર હોય છે. જે ઇમ્યુનિટીને મજબૂત કરવામાં મદદ કરે છે. દહીંમાં એન્ટી બેક્ટેરિયલ ગુણો હોય છે જે શરીરને અનેક બીમારીથી બચવામાં મદદ કરે છે. શિયાળામાં રાત દહીં ખાવાનું ટાળો તે યોગ્ય છે.
હળદર
હળદરમાં પ્રાકૃતિક રીતે એન્ટી ઇન્ફ્લેમેટરી અને એન્ટી ઓક્સીડન્ટ્સના તત્વો હોય છે. હળદરમાં કરક્યૂમિન નામનું પાવરફૂલ એન્ટી ઓક્સીડન્ટ્સ અણારી કોશિકાઓને નષ્ટ થતાં રોકે છે અને શરીરમાં ઈમ્યુનિટીને વધારવાનું કામ કરે છે.