RBIનાં એફડીનાં વ્યાજ દરોનાં વધારવાના નિર્ણય બાદ હવે બીજી ચાર બેન્કોએ પણ એફડીનાં વ્યાજ દરોમાં વધારો કર્યો છે.
RBIએ એફડીનાં વ્યાજ દરોમાં કર્યો વધારો
લોનનાં દરોમાં પણ વધારો
આ 4 બેન્કોએ પણ એફડીનાં વ્યાજ દરોમાં કર્યો વધારો
RBIએ બુધવારે રેપો રેટમાં 40 બેસિસ પોઈન્ટનો વધારો કર્યો છે. કેન્દ્રીય બેંક દ્વારા નીતિગત દરોમાં વધારાનાં એલાન બાદ બેન્કોની લોન મોંઘી થઇ ગઈ છે. લોનના દરો વધારીને બેન્કોએ એક તરફ જ્યાં સામાન્ય માણસ પર ઈએમઆઈનો બોજ વધારી દીધો છે, ત્યાં જ બીજી બાજુ વ્યાજ દરો વધારીને થોડી રાહત પણ આપી છે. RBIનાં આ નિર્ણય બાદ ચાર બેન્કોએ એફડી સાથે સાથે બચત ખાતા પર વ્યાજ દરોમાં વધારો કર્યો છે. ગ્રાહકોને હવે તેમના એફડી પર વધારે ફાયદો થશે.
કોટક મહિન્દ્રા બેન્ક
પ્રાઈવેટ સેક્ટરની કોટક મહિન્દ્રા બેન્કે પોતાના રિટેલ ગ્રાહકો માટે અલગ અલગ સમયગાળા વાળી એફડી પર વ્યાજ દરોમાં 0.35 ટકા વધારો કર્યો છે. FD પર વ્યાજ દરોમાં વધારો 6 મે, 2022થી લાગૂ થશે. આ વધારો 2 કરોડથી ઓછી રકમવાળી એફડી માટે છે. બેંક અનુસાર, 390 દિવસોનાં સમયગાળા માટે એફડી પર વ્યાજ દર 0.30 ટકા વધીને 5.50 ટકા કરવામાં આવ્યો છે.
ICICI બેન્ક
ICICI બેન્કે પણ એફડી રેટ્સમાં વધારો કર્યો છે. આ વધારો હાલમાં 2 કરોડ રૂપિયાથી 5 કરોડ રૂપિયા સુધીની જમા રકમ પર કરવામાં આવ્યો છે. નવા દરો 5 મે 2022થી લાગુ થઇ ગયા છે. એફડીનાં વ્યાજ દરોમાં 25 બેસિસ પોઈન્ટ્સ સુધીનો વધારો કરવામાં આવ્યો છે. 90 દિવસ સુધીની જમા રકમ પર હવે ચોથો ભાગ જેટલા ટકા વધારે મળશે. 271 દિવસથી લઈને 1 વર્ષ સુધીની એફડી 20 બેસિસ પોઈન્ટ અને 2 વર્ષ માટે 15નો વધારો થયો છે.
ફેડરલ બેન્ક
RBIનાં રેપો રેટમાં 0.40 ટકાના વધારાનાં એક દિવસ બાદ પ્રાઈવેટ સેક્ટરની ફેડરલ બેન્કે બચત ખાતા પર વ્યાજ દરોમાં વધારો કર્યો છે. નવા દરો 5 મે 2022થી લાગુ થઇ ગયા છે. ફેડરલ બેન્કનાં બચત ખાતાનાં વ્યાજ દરો રેપો દરો સાથે જોડાયેલા છે. આ પ્રકારે 5 કરોડ તથા તેનાંથી વધારેની રકમ પર વ્યાજ દર 1 લાખ રૂપિયા સુધીની રકમ માટે આરબીઆઈનાં રેપો દર કરતા 1.75 ટકા ઓછા થશે.
જન સ્મોલ ફાઈનાન્સ બેન્ક
જન સ્મોલ ફાઈનાન્સ બેન્કે 2 કરોડ રૂપિયાથી ઓછી રકમની એફડી પર વ્યાજ દરોમાં 25 બેસિસ પોઈન્ટનો વધારો કર્યો છે. આ સંશોધન બાદ 3થી 5 વર્ષોમાં મેચ્યોર થનાર એફડી પર વ્યાજ દરોને 6.75 ટકાથી વધારીને 7 ટકા કરવામાં આવ્યા છે. બેન્કે બાકીનાં સમયગાળા માટે વ્યાજ દરોમાં કોઈ ફેરફાર કર્યા નથી.