ગુજકેટ 2022 પરીક્ષા ફોર્મ ભરવાની તારીખ જાહેર કરાઈ, 25 જાન્યુઆરીથી થી 5 ફેબ્રુઆરી સુધી ભરી શકશે ફોર્મ
ગુજકેટ 2022ના ફોર્મ ભરવાની પ્રોસેસ થશે શરૂ
ગુજકેટનું ફોર્મ અને ફી ઓનલાઇન ભરવાની રહેશે
Www.gseb.org પર ભરી શકશે ફોર્મ
ગુજરાત કોમન એન્ટ્રન્સ ટેસ્ટ (GUJCET)ની તૈયારી કરી રહેલા વિદ્યાર્થીઓની આતુરતાનો અંત આવ્યો છે, GUJCETની ફોર્મ ભરવાની તારીખ જાહેર કરી દેવામાં આવી છે.
25 જાન્યુઆરીથી ગુજકેટનું ભરી શકશે ફોર્મ
ગુજકેટ (ગુજરાત કોમન એન્ટ્રન્સ ટેસ્ટ) એ એન્જિનિયરિંગ અને ફાર્મસીમાં પ્રવેશ મેળવવા માંગતા ઉમેદવારો માટે વાર્ષિક પ્રવેશ પરીક્ષા છે.જેના ફોર્મ ભરવાની તારીખો જાહેર કરવામાં આવી છે. 25 જાન્યુઆરીથી ગુજકેટ ફોર્મ ભરી શકાશે. સમગ્ર ફોર્મ ભરવાની પ્રોસેસ 5 ફેબ્રુઆરી સુધી ચાલશે. Www.gseb.org સાઇટ પર ઓનલાઈન ફોર્મ ભરી શકાશે. જે બાદ ફી પણ ઓનલાઇન ભરવાની રહેશે.
ગુજકેટ એટલે શું?
GUJCET એટલે ગુજરાત કોમન એન્ટ્રન્સ ટેસ્ટ. તે રાજ્ય-સ્તરની સામાન્ય પ્રવેશ પરીક્ષા છે. તે GSEB દ્વારા હાથ ધરવામાં આવે છે. આ પરીક્ષા ઇજનેરી, ડિપ્લોમા અને ફાર્મસી અભ્યાસક્રમોમાં પ્રવેશ મેળવવા ઇચ્છુક વિદ્યાર્થીઓ માટે છે. પ્રવેશ પરીક્ષા પ્રવેશ અને કાઉન્સેલિંગ પ્રક્રિયા દ્વારા અનુસરવામાં આવે છે.હિન્દી ગુજરાતી અને અંગ્રેજી ત્રણેય ભાષાઑમાં આ પરીક્ષા આપી શકાય છે.