નિવેદન / IPLને કારણે ઈંગ્લેન્ડના ક્રિકેટરો આજે આપણા તળિયા ચાટે છે, ભારતીય દિગ્ગજ ગુસ્સે ભરાયા

• ફારુખ એન્જિનયરે ઈંગ્લેન્ડનાં ક્રિકેટરોને લઈ ઘણું મોટું નિવેદન આપ્યું 
• નસ્લવાદનો સામનો કરવો પડ્યો ફારુખ એન્જિનયરને 
• IPL શરૂ થવા જઈ રહી છે અને ઈંગ્લેન્ડના ક્રિકેટરો અમારા તળિયા ચાટે છે

ભારતીય ક્રિકેટ ટીમના ભૂતપૂર્વ ક્રિકેટર અને વિકેટકીપર ફારુખ એન્જિનયરે ઈંગ્લેન્ડનાં ક્રિકેટરોને લઈ ઘણું મોટું નિવેદન આપ્યું 
ભારતીય ક્રિકેટ ટીમના ભૂતપૂર્વ ક્રિકેટર અને વિકેટકીપર ફારુખ એન્જિનયરે ઈંગ્લેન્ડ અને ત્યાંનાં ક્રિકેટરોને લઈ ઘણું મોટું નિવેદન આપ્યું છે. તેમણે કહ્યું કે IPLના કારણે ઇંગ્લેન્ડના ક્રિકેટરોમાં બદલાવ આવ્યો છે અને તેઓ ભારતીયો વિશે કઈ પણ બોલતા પહેલા બે વખત વિચાર કરે છે. તેમણે વધુમાં કહ્યું કે તેઓ જ્યારે ઈંગ્લેન્ડમાં શ્રેણી રમવા ગયા હતા ત્યારે નસ્લવાદનો સામનો કરવો પડ્યો હતો. 

નસ્લવાદનો સામનો કરવો પડ્યો ફારુખ એન્જિનયરને 
હાલ તેઓ ઈંગ્લેન્ડમાં જ રહે છે અને ત્યાંની એક ન્યૂઝ પેપર સાથેની વાતચીતમાં તેમણે નસ્લવાદને લઈને ઘણા બધા ખુલાસા કર્યા. તેમણે કહ્યું કે જ્યારે હું પહેલી વાર ઈંગ્લેન્ડમાં પહેલી વાર કાઉન્ટી ક્રિકેટ રમવા આવ્યો ત્યારે મારે નસ્લવાદનો સામનો કરવો પડ્યો. લોકો મને અલગ નજરથી જોતાં હતા. કારણકે હું ભારતીય હતો. મે બે ત્રણ વાર આવી ટીપ્પણીઓનો સામનો કર્યો હતો. પણ હું માનું  છું કે આ ટીપ્પણીઓ વ્યક્તિગત નહોતી. માત્ર હું ભારતીય હતો અને મારી ભાષાના કારણે હું આ વાતનો શિકાર બન્યો.

IPL શરૂ થવા જઈ રહી છે અને ઈંગ્લેન્ડના ક્રિકેટરો અમારા તળિયા ચાટે છે
તેમણે કહ્યું કે ઈંગ્લેન્ડન પૂર્વ કેપ્ટન જેફ્રી બાયકોટ પોતાની કોમેન્ટરીમાં "બ્લડી ઈંડિયંસ" એવા શબ્દો પણ વાપરતા હતા. પણ  IPLના કારણે ઇંગ્લેન્ડના ક્રિકેટરોમાં બદલાવ આવ્યો છે અને તેઓ ભારતીયો વિશે કઈ પણ બોલતા પહેલા બે વખત વિચાર કરે છે. તેમણે કહ્યું જે IPL શરૂ થવા જઈ રહી છે અને ઈંગ્લેન્ડના ક્રિકેટરો અમારા તળિયા ચાટે છે.