કોલકત્તા / પૂર્વ CM બુદ્ધદેવ ભટ્ટાચાર્ય થયા હોસ્પિટલમાં એડમિટ, મળવા પહોંચ્યા મમતા બેનર્જી

પશ્ચિમ બંગાળના પૂર્વ મુખ્યમંત્રી બુદ્ધદેવ ભટ્ટાચાર્યની તબિયત ખરાબ થયા બાદ તેમને હોસ્પિટલમાં એડમિટ કરવામાં આવ્યા છે. 75 વર્ષીય બુદ્ધદેવને કોલકત્તાની વુડલેન્ડ્સ મલ્ટીસ્પેશિયાલિસ્ટી હોસ્પિટલમાં એડમિટ કરવામાં આવ્યા છે. હોસ્પિટલના વરિષ્ઠ અધિકારીના જણાવ્યા અનુસાર તેમનું બીપી લો થઈ ગયું હતું.

તેઓએ વધુમાં કહ્યું કે ભટ્ટાચાર્યને શુક્રવારે રાતે 8 વાગ્યા બાદ હોસ્પિટલ લાવવામાં આવ્યા ત્યારે તેમની સ્થિતિ ગંભીર હતી. તેમની ટ્રીટમેન્ટ આઈટીયૂમાં કરવામાં આવી રહી છે. બપોરે શ્વાસ લેવામાં તકલીફ પડવાની ફરિયાદના આધારે તેમનું બ્લડપ્રેશર ચિંતાજનક સ્થિતિની પણ નીચે ગયું હતું. હાલમાં જરૂરી તમામ તપાસ ચાલુ છે. 

ભટ્ટાચાર્યને હોસ્પિટલમાં એડમિટ થયાની ખબર મળતાં જ મુખ્યમંત્રી મમતા બેનર્જી પણ હોસ્પિટલ પહોંચી અને ખબર અંતર પૂછ્યા. મમતાએ ડોક્ટરોની સાથે વાત કરીને તેમના ખબર અંતર પૂછ્યા.

ભટ્ટાચાર્ય છેલ્લા કેટલાક સમયથી ક્રોનિક ઓબ્સટ્રક્ટિવ પલ્મોનરી ડિસિઝથી પીડિત છે. તે 2000થી 2011 સુધી પશ્ચિમ બંગાળના મુખ્યમંત્રી રહ્યા છે. 2018માં પોતાની તબિયતના કારણે તેઓ સીપીએમના પોલિસબ્યૂરો, કેન્દ્રીય સમિતિ અને રાજ્ય સચિવાલયમાંથી 2018માં બહાર થયા. અંતિમ વખત સાર્વજનિક રીતે 3 ફેબ્રૂઆરીએ એક મહારેલીમાં બ્રિગેડ પરેડ મેદાનમાં જોવા મળ્યા હતા. 

ફોટો સૌજન્ય- Twitter.com