અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના ટ્વિટર પર પરત ફરવાની ચાલી રહેલી અટકળોનો અંત આવ્યો છે. Elon Muskની જાહેરાત બાદ ગણતરીની મિનિટોમાં જ ડોનાલ્ડ ટ્રમ્પનું એકાઉન્ટ રિસ્ટોર કરવામાં આવ્યું છે.
ટ્વિટર પર અમેરિકાના પૂર્વ રાષ્ટ્રપતિ ટ્રમ્પની 'રી-એન્ટ્રી'
Elon Muskની જાહેરાત બાદ ટ્રમ્પનું એકાઉન્ટ થયું રિસ્ટોર
2021માં સસ્પેન્ડ કરવામાં આવ્યું હતું ડોનાલ્ડ ટ્રમ્પનું એકાઉન્ટ
જ્યારથી વિશ્વના સૌથી ધનિક વ્યક્તિ એલોન મસ્ક ટ્વિટરના નવા બોસ બન્યા છે, ત્યારથી તેઓ એક પછી એક ઘણા મોટા નિર્ણયો લઈ રહ્યા છે. જે આખી દુનિયામાં ચર્ચાનો વિષય બની રહ્યા છે. Elon Muskના ટ્વિટરના માલિક બનતા જ અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના ટ્વિટર પર પાછા ફરવાની અટકળો ચાલી રહી હતી. હવે તેને લઈને રસ્તો ક્લિયર થઈ ગયો છે. એલોન મસ્કે કહ્યું હતું કે, પૂર્વ અમેરિકી રાષ્ટ્રપતિ ડોનાલ્ડ ટ્રમ્પને સોશિયલ મીડિયા પ્લેટફોર્મ પર પરત લાવવા અંગેના એક સર્વેક્ષણ પછી ટ્વિટર પર તેમનું એકાઉન્ટ રિસ્ટોર કરવામાં આવશે. જોકે, Elon Muskની આ જાહેરાત બાદ ગણતરીની મિનિટોમાં જ તેમનું એકાઉન્ટ રિસ્ટોર થઈ ગયું છે.
ટ્વિટર પર એક પોલ કર્યો હતો પોસ્ટ
એલોન મસ્ક દ્વારા ટ્વિટરની નવી પોલિસી જાહેર કરાયા બાદ તેમણે ટ્વિટર યૂઝર્સને પૂછ્યું હતું કે ડોનાલ્ડ ટ્રમ્પનું એકાઉન્ટ રિસ્ટોર કરી લેવું જોઈએ કે નહીં? એલન મસ્કે ગતરોજ ટ્વિટર પર એક પોલ પોસ્ટ કર્યો. જેમાં તેમણે યૂઝર્સને પૂછ્યું હતું કે ડોનાલ્ડ ટ્રમ્પને ટ્વિટર પર પરત લાવવા જોઈએ કે નહીં? આ માટે મસ્કે યૂઝર્સને વોટ કરવા માટે અપીલ પણ કરી હતી.
Elon Musk says Former US President Donald Trump will be reinstated on Twitter after he held a poll regarding bringing him back on the social media platform. pic.twitter.com/fox44GHbYX
51.8 ટકા લોકોએ જવાબ આપ્યો 'YES'
એલન મસ્ક દ્વારા જાહેર કરવામાં આવેલા પોલ પર 2 મિલિયનથી વધારે લોકોએ વોટિંગ કર્યું હતું. લગભગ 51.8 ટકા લોકોએ 'YES'માં જવાબ આપ્યો હતો. આપને જણાવી દઈએ કે, 2021માં સત્તા પરિવર્તન દરમિયાન ટ્રમ્પનું એકાઉન્ટ સંપૂર્ણપણે સસ્પેન્ડ કરવામાં આવ્યું હતું. કારણ કે તેમના ટ્વીટના કારણે હિંસા ભડકાવવાની શક્યતાઓ વ્યક્ત કરવામાં આવી રહી હતી.
અમેરિકામાં ચૂંટણી બાદ ટ્રમ્પનું એકાઉન્ટ કરાયું હતું સસ્પેન્ડ
હકીકતમાં અમેરિકામાં ગયા વર્ષે યોજાયેલી ચૂંટણી બાદ જો બાઈડન રાષ્ટ્રપતિ પદ માટે ચૂંટાયા હતા. આ દરમિયાન ડોનાલ્ડ ટ્રમ્પના સમર્થકોએ વ્હાઇટ હાઉસની બહાર અને અંદર હંગામો મચાવ્યો હતો. ભીડના આ હિંસક પ્રદર્શનને જોતા ટ્વિટરે પહેલા તેમનું એકાઉન્ટ 12 કલાક માટે સસ્પેન્ડ કર્યું હતું અને બાદમાં તેને સંપૂર્ણ રીતે સસ્પેન્ડ કરી દીધું હતું.