નિવેદન / ડોનાલ્ડ ટ્રમ્પે કાબૂલ વિસ્ફોટ પર દુઃખ વ્યક્ત કર્યુ, કહ્યું જો હું રાષ્ટ્રપતિ હોત તો ક્યારેય ન થતો હુમલો

• જો હું તમારો રાષ્ટ્રપતિ હોત તો આ હુમલો ક્યારેય ન થવા દેતો- ડોનાલ્ડ ટ્રમ્પ
• નહોંતી બનવી જોઈતી આ ઘટના -  ડોનાલ્ડ ટ્રમ્પ
• આતંકવાદીને માફ નહીં કરીએ - બાયડન

અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે ગુરુવારે અફઘાનિસ્તાનના કાબૂલ એરપોર્ટ પર થયેલા વિસ્ફોટ પર મરનારા અમેરિકન સેવાના સભ્યોના પરિવાર પ્રત્યે શોક વ્યક્ત કર્યો છે. 

નહોંતી બનવી જોઈતી આ ઘટના

ટ્રમ્પે કહ્યું કે અમારી સંવેદનાઓ એ નિર્દોષ નાગરિકોના પરિવારોની સાથે પણ છે જે આજે કાબૂલ હુમલામાં માર્યા ગયા છે. આ ઘટના ક્યારેય નહોંતી બનવી જોઈતી. આ અમારા દુઃખને વધારે ઉંડુ બનાવે છે. જો હું તમારો રાષ્ટ્રપતિ હોત તો આ હુમલો ક્યારેય ન થવા દેતો. ભગવાન અમેરિકાનું ભલું કરે. પેન્ટાગનના પ્રેસ સચિવ જોન કિર્બીએ કાબૂલ એરપોર્ટ પર થયેલા વિસ્ફોટની પુષ્ટિ કરતા કહ્યું હતુ કે કાબૂલ એરપોર્ટ પર આજે જટિલ હુમલો અનેક અમેરિકન સર્વિસ મેમ્બર્સ માર્યા ગયા.

આતંકવાદીને માફ નહીં કરીએ

આ તમામની વચ્ચે કાબૂલમાં અમેરિકન દૂતાવાસે એક તાજી ચેતવણી જારી કરી છે કાબૂલ એરપોર્ટની બહાર થયેલા બોમ વિસ્ફોટમાં અમેરિકન સૈનિકોના મોત પર બાયડન બહું ગુસ્સામાં છે. હુમલા બાદ વ્હાઈટ હાઉસથી પોતાના સંબોધનમાં જો બાયડને કહ્યું કે અમે માફ નહીં કરીએ. અમે નહીં ભૂલીએ. અમે તેમને શોધીશું, મારીશું. હકિકતમાં કાબુલ એરપોર્ટની બહારના વિસ્ફોટમાં લગભગ 1 ડર્ઝન જેટલા અમેરિકન સૈનિકોના મોત થયા છે.

જારી રહેશે અમેરિકન મિશન  

કાબૂલના હુમલાખોરોને ચેતવણી આપતા અમેરિકન રાષ્ટ્રપતિ જો બાયડને કહ્યું કે અમે માફ નહીં કરીએ. અમે નહીં ભૂલીએ. અમે તેમને શોધીશું, મારીશું અને તેમના કર્મની સજા આપીશું. રાષ્ટ્રપતિ બાયડને કહ્યું કે અમે અફઘાનિસ્તાનથી અમેરિકન નાગરિકોને બચાવીશું. અમે અમારા અફઘાની સહયોગીઓને કાઢીશું અને અમારું મિશન ચાલુ રાખીશું. તેમણે કહ્યું કે કાબૂલ એરપોર્ટ પર થયેલ હુમલામાં અત્યાર સુધી તાલિબાન અને ઈસ્લામિક સ્ટેટની વચ્ચે મિલીભગતના કોઈ પુરાવા નથી.