BIG BREAKING / મુલાયમ સિંહની 'છોટી બહુ' અપર્ણા ભાજપમાં સામેલ: ચૂંટણી પહેલા યાદવ પરિવારમાં પડી તિરાડ

• ઉત્તર પ્રદેશ ચૂંટણી પહેલા મોટા સમાચાર 
• મુલાયમ સિંહના પરિવારમાં પડી ફાડ 
• અપર્ણા યાદવ ભાજપમાં થયા સામેલ 

ઉત્તર પ્રદેશમાં વિધાનસભા ચૂંટણીને લઈને દરેક પાર્ટીઓ દ્વારા એડીચોટીનું જોર લગાવવામાં આવી રહ્યું છે. દેશના સૌથી મોટા રાજ્યમાં વિધાનસભા ચૂંટણીને લઈને મોટી ઉથલપાથલ મચી ગઈ છે. ઉત્તર પ્રદેશને લોકસભા ચૂંટણીનું સેમિફાઇનલ ગણવામાં આવે છે ત્યારે અખિલેશ યાદવ અને યોગી આદિત્યનાથ વચ્ચે સૌથી મોટી ટક્કર દેખાઈ રહી છે ત્યારે આજે ભાજપે મોટો દાવ ખેલ્યો છે. 

Former Uttar Pradesh Chief Minister Mulayam Singh Yadav's daughter-in-law joins BJP #UttarPradeshElections2022 pic.twitter.com/ZEkd9wD2LV

— ANI (@ANI) January 19, 2022

મુલાયમ પરિવારમાં તિરાડ
મુલાયમ સિંહ યાદવની નાની વહુ અપર્ણા યાદવે આજે દિલ્હી પહોંચ્યા અને ભાજપનો ખેસ ધારણ કર્યો. અપર્ણા યાદવ આ પહેલા ઘણી વાર યોગી આદિત્યનાથના વખાણ કરી ચૂક્યા છે. એવામાં આજે આધિકારિક રીતે તેઓ ભાજપમાં સમલે થઈ ગયા છે. આ પહેલા અપર્ણા યાદવ લખનૌ કેંટથી વિધાનસભા ચૂંટણી લડી ચૂક્યા છે પરંતુ તેઓ હારી ગયા હતા. એવામાં ભાજપ તરફથી ફરીથી અપર્ણાને ટિકિટ મળી શકે છે. 

કોણ છે અપર્ણા યાદવ
નોંધનીય છે કે અપર્ણા મુલાયમ સિંહના બીજા પત્નીના દીકરા પ્રતિક યાદવના પત્ની છે પરંતુ તેમના સંબંધ અખિલેશ યાદવ સાથે સારા હતા નહીં. 

ભાજપે લીધો બદલો 
નોંધનીય છે કે છેલ્લા 10 દિવસમાં સમાજવાદી પાર્ટીએ ભાજપના ઘણા નેતાઓ તથા દિગ્ગજ મંત્રીઓને પોતાની પાર્ટીમાં સામેલ કરાવ્યા છે ત્યારે ભાજપે મુલાયમ સિંહના પરિવારમાં જ ફટકો પાડ્યો છે.