અવસાન / કોંગ્રેસના વરિષ્ઠ નેતા અને પૂર્વ કેન્દ્રીય મંત્રી બૂટા સિંહનું નિધન, PM મોદી અને રાહુલ ગાંધીએ દુઃખ વ્યક્ત કર્યું

• પૂર્વ કેંદ્રીય મંત્રી બૂટા સિંહનું નિધન
• PM મોદીએ ટ્વિટ કરી બુટા સિંહના નિધન પર દુ:ખ વ્યક્ત કર્યુ
• રાહુલ ગાંધીએ ટ્વિટ કરી બૂટા સિંહના નિધન પર દુ:ખ વ્યક્ત કર્યુ

21 માર્ચ, 1934નો પંજાબના જલંધર જિલ્લાના મુસ્તફાપુર ગામમાં જન્મ સરદાર  બૂટા સિંહ 8 વખત લોકસભા તરીકે ચૂંટાયા હતા. 

જ્યારે કોંગ્રેસમાં આંતરિક વિગ્રહ અને રાષ્ટ્રીય રાજનીતિમાં હાલ પરિસ્થિતિ ખરાબ છે ત્યારે પાર્ટીના સૌથી મોટા દલિત નેતા સરદાર બૂટા સિંહના નિધનથી પાર્ટીને સૌથી મોટી ખોટ પડી છે. 

કોંગ્રેસના દિગ્ગજ નેતા અને પૂર્વ કેન્દ્રીય મંત્રીના નિધન પર પ્રધાનમંત્રી નરેન્દ્ર મોદીએ દુઃખ વ્યક્ત કર્યું છે. 
 

Shri Buta Singh Ji was an experienced administrator and effective voice for the welfare of the poor as well as downtrodden. Saddened by his passing away. My condolences to his family and supporters.

— Narendra Modi (@narendramodi) January 2, 2021

આ સાથે કોંગ્રેસના પૂર્વ અધ્યક્ષ અને વાયનાડના સાંસદ રાહુલ ગાંધીએ પણ ટ્વિટ કરી પક્ષના દિગ્ગજ નેતા  બૂટા સિંહના નિધન પર દુઃખ વ્યક્ત કર્યું છે.

सरदार बूटा सिंह जी के देहांत से देश ने एक सच्चा जनसेवक और निष्ठावान नेता खो दिया है।

उन्होंने अपना पूरा जीवन देश की सेवा और जनता की भलाई के लिए समर्पित कर दिया, जिसके लिए उन्हें सदैव याद रखा जाएगा।

इस मुश्किल समय में उनके परिवारजनों को मेरी संवेदनाएँ।

— Rahul Gandhi (@RahulGandhi) January 2, 2021

પૂર્વ કેન્દ્રીય મંત્રી બૂટા સિંહનું નિધન આજે દિલ્હી ખાતે થયું છે. તેઓ કેન્દ્રમાં મંત્રી પણ રહી ચૂક્યાં હતા. 86 વર્ષીય બૂટા સિંહનું અંતિમ સંસ્કાર આજે જ કરવામાં આવશે. બૂટા સિંહની તબિયત છેલ્લા ઘણા સમયથી ખરાબ હતી. આઠ વખત સાંસદ રહી ચૂકેલા બૂટા સિંહની રાજકીય સફર ઘણી લાંબી રહી છે. 

બૂટાસિંહ ગાંધી પરીવારના વિશ્વાસપાત્ર તરીકે જાણીતા હતા. પરંતુ એક સમય એવો આવ્યો જ્યારે તેઓએ કોંગ્રેસ છોડી દીધી હતી. સરદાર બૂટા સિંહે કેન્દ્રીય ગૃહમંત્રી, કૃષિ મંત્રી, રેલ મંત્રી, ખેલ મંત્રી અને બિહારના રાજ્યપાલ અને રાષ્ટ્રીય અનુસૂચિત જાતિ કમિશનના ચેરમેન તરીકે રાષ્ટ્રીય રાજનીતિ અને રાષ્ટ્ર નિર્માણમાં મહત્વની ભૂમિકા નિભાવી હતી.