નવી દિલ્હી / આર્મી હોસ્પિટલમાં દાખલ પૂર્વ રાષ્ટ્રપતિ પ્રણવ મુખર્જીની સર્જરી બાદ હાલત ગંભીર

હોસ્પિટલના બુલેટિન મુજબ પ્રણવ મુખર્જીને ગંભીર હાલતમાં 10 ઓગસ્ટના રોજ દિવસે 12.07 વાગે દિલ્હીના કેંટ સ્થિતિ આર્મી હોસ્પિટલમાં દાખલ કરવામાં આવ્યાં હતા. પૂર્વ રાષ્ટ્રપતિની તબીબોએ તપાસ કરતાં માથામાં લોહીના ગઠ્ઠો જામી ગયો હોવાની સામે આવ્યું. જેને લઇને ઇમર્જન્સીમાં તેમની સર્જરી કરવામાં આવી. સર્જરી બાદ તેમને વેંટિલેટરના સપોર્ટમાં રાખવામાં આવ્યાં છે. મેડિકલ તપાસમાં પૂર્વ રાષ્ટ્રપતિ પ્રણવ મુખર્જી કોરોના પોઝિટિવ હોવાનું પણ સામે આવ્યું હતું. 

પૂર્વ રાષ્ટ્રપતિ પ્રણવ મુખર્જીએ જ સોમવારે જણાવ્યું હતું કે તેઓ કોરોના પોઝિટવ છે. ત્યારબાદ જાણકારી મળી કે પૂર્વ રાષ્ટ્રપતિ દિલ્હીની આર્મી રિસર્ચ એન્ડ રેફરલ હોસ્પિટલમાં દાખલ છે. રિપોર્ટ મુજબ પૂર્વ રાષ્ટ્રપતિ એક નાની બ્રેન સર્જરી કરવા હોસ્પિટલ ગયા હતા. જ્યારે કોરોનાને લઇને ટેસ્ટ કરવામાં આવ્યો તો તે પોઝિટિવ આવ્યો હતો. 

જો કે પૂર્વ રાષ્ટ્રપતિ પ્રણવ મુખર્જીને કોરોના પોઝિટિવ થવા પર તમામ વરિષ્ઠ નેતાઓએ તેમને જલ્દી સ્વસ્થ થવાની શુભેચ્છા પાઠવી. જેમાં કોંગ્રેસ સાંસદ રાહુલ ગાંધી, દિલ્હીના મુખ્યમંત્રી અરવિંદ કેજરીવાલ, મહારાષ્ટ્રના પૂર્વ મુખ્યમંત્રી દેવેન્દ્ર ફડણવીસ, મધ્ય પ્રદેશના મુખ્યમંત્રી શિવરાજસિંહ ચૌહાણ, પંજાબના મુખ્યમંત્રી કેપ્ટન અમરિંદર સિંહ સામેલ છે.