કાર્યવાહી / મુંબઈનાં પૂર્વ પોલીસ કમિશ્નર સંજય પાંડેની ED એ કરી ધરપકડ, ફોન ટેપિંગ કેસમાં કસાયો ફંદો

• પૂર્વ મુંબઈ પોલીસ કમિશ્નર સંજય પાંડેની ED દ્વારા ધરપકડ
• નેશનલ સ્ટોક એક્સ્ચેન્જ ફોન ટેપિંગ કેસમાં ધરપકડ 
• ચિત્રા રામકૃષ્ણન અગાઉથી છે કસ્ટડીમાં 

NSE Co-Location Scam Case મુંબઈના ભૂતપૂર્વ પોલીસ કમિશનર સંજય પાંડેની લાંબી પૂછપરછ પછી મની લોન્ડરિંગ એક્ટ હેઠળ એન્ફોર્સમેન્ટ ડિરેક્ટોરેટ દ્વારા ધરપકડ કરવામાં આવી છે. ભૂતપૂર્વ પોલીસ કમિશનરને બુધવારે દિલ્હીની વિશેષ અદાલતમાં રજૂ કરવામાં આવશે જ્યાં ED તેમને કસ્ટડીમાં લઈને પૂછપરછ માટે અપીલ કરશે.

નેશનલ સ્ટોક એક્સચેન્જના ભૂતપૂર્વ સીએમડી ચિત્રા રામકૃષ્ણન આ કેસમાં પહેલેથી જ EDની કસ્ટડીમાં છે. 

The Enforcement Directorate (ED) today arrested former Mumbai Police Commissioner Sanjay Pandey in connection with National Stock Exchange (NSE) co-location scam case: ED

(File Pic) pic.twitter.com/KkJJwvSPD4

— ANI (@ANI) July 19, 2022

સંજય પાંડે પર શું છે આરોપ?
મુંબઈના ભૂતપૂર્વ પોલીસ કમિશનર સંજય પાંડે મંગળવારે ફરીથી એન્ફોર્સમેન્ટ ડિરેક્ટોરેટ સમક્ષ પૂછપરછ માટે હાજર થયા. તેમના પર આરોપ છે કે તેમની કંપની આઈ સિક્યુરિટીને વર્ષ 2010 થી 2015 દરમિયાન નેશનલ સ્ટોક એક્સચેન્જનું સિક્યુરિટી ઓડિટ કરાવવાનું કામ સોંપવામાં આવ્યું હતું. આરોપ છે કે આ દરમિયાન નેશનલ સ્ટોક એક્સચેન્જમાં લોકેશન કૌભાંડ થયું હતું. તપાસ એજન્સીઓએ આ કેસમાં નેશનલ સ્ટોક એક્સચેન્જના તત્કાલીન સીએમડી ચિત્રા રામકૃષ્ણન અને તેમના સહયોગીઓની ધરપકડ કરી હતી.

સેન્ટ્રલ બ્યુરો ઓફ ઈન્વેસ્ટિગેશન ( CBI ) દ્વારા આ કેસમાં કેસ નોંધાયા બાદ એન્ફોર્સમેન્ટ ડિરેક્ટોરેટે મની લોન્ડરિંગ એક્ટ હેઠળ કેસ નોંધીને તપાસ શરૂ કરી હતી.સિક્યોરિટી ઓડિટ કરાવવાના બદલામાં કરોડો રૂપિયા આપવામાં આવ્યા હતા, બાદમાં આ કેસમાં પણ મની લોન્ડરિંગ એક્ટ હેઠળ કેસ નોંધવામાં આવ્યો હતો. આરોપ છે કે તેની આડમાં નેશનલ સ્ટોક એક્સચેન્જના કર્મચારીઓનું ફોન ટેપિંગ કરવામાં આવ્યું હતું.

ED arrests former Mumbai police commissioner Sanjay Pandey in NSE phone tapping money laundering case: Officials

— Press Trust of India (@PTI_News) July 19, 2022

સ્પેશિયલ ED કોર્ટમાં રજૂ કરવામાં આવશે
એન્ફોર્સમેન્ટ ડિરેક્ટોરેટે મુંબઈના ભૂતપૂર્વ પોલીસ કમિશનર સંજય પાંડેને તેમની નિવૃત્તિ પછી તરત જ 30 જૂને પૂછપરછ માટે બોલાવ્યા હતા. સંજય પાંડે પણ ED સમક્ષ હાજર થયા હતા અને તેની પણ લાંબા સમય સુધી પૂછપરછ કરવામાં આવી હતી. ત્યારપછી એન્ફોર્સમેન્ટ ડિરેક્ટોરેટે આ કેસમાં નેશનલ સ્ટોક એક્સચેન્જના પૂર્વ સીએમડી ચિત્રા રામક્રિષ્નનની ધરપકડ કરી હતી અને ED તેને પણ પૂછપરછ માટે રિમાન્ડ પર લાવી હતી.ચિત્રા હજુ પણ EDના રિમાન્ડ પર છે જ્યાં તે 22 જુલાઈ સુધી રિમાન્ડ પર રહેશે.

ED સૂત્રોના જણાવ્યા અનુસાર, સંજય પાંડે આ કેસમાં EDના પ્રશ્નોના સંતોષકારક જવાબો આપી રહ્યા ન હતા, જેના કારણે EDએ લાંબી પૂછપરછ બાદ મોડી સાંજે તેની ધરપકડ કરી હતી. સૂત્રોએ જણાવ્યું કે સંજય પાંડેને સ્પેશિયલ ED કોર્ટમાં રજૂ કરવામાં આવશે. જ્યાંથી તેમને પણ પૂછપરછ માટે રિમાન્ડ પર લાવવામાં આવશે. સૂત્રોનું કહેવું છે કે આ પછી ચિત્રા રામકૃષ્ણન અને સંજય પાંડે બંનેને સામસામે બેસીને પૂછપરછ કરવામાં આવી શકે છે. જો કે આ બાબતે તપાસ ચાલુ છે.