સેન્ટ્રલ બ્યુરો ઑફ ઇન્વેસ્ટિગેશન (Central Bureau of Investigation) એ રવિવારે કો-લોકેશન કેસમાં નેશનલ સ્ટોક એક્સચેન્જના ભૂતપૂર્વ મુખ્ય કાર્યકારી અધિકારી 'ચિત્રા રામકૃષ્ણ' (Chitra Ramkrishna) ની ધરપકડ કરી હતી.
કો-લોકેશન કેસમાં NSEના પૂર્વ CEOની ધરપકડ
પૂર્વ CEO ચિત્રા રામકૃષ્ણની CBIએ કરી ધરપકડ
NSE કો-લોકેશન કેસમાં કરાઇ સૌથી મોટી કાર્યવાહી
આ અંગેની માહિતી અધિકારીઓએ આપી. અધિકારીઓએ જણાવ્યું કે, રામકૃષ્ણની દિલ્હીમાં ધરપકડ કરવામાં આવી હતી અને તેઓને તબીબી તપાસ માટે લઈ જવામાં આવ્યા હતાં. તેઓએ જણાવ્યું કે, બાદમાં તેને સીબીઆઈ હેડક્વાર્ટરમાં લોકઅપમાં રાખવામાં આવ્યાં. CBI એ સતત ત્રણ દિવસ સુધી રામકૃષ્ણની પૂછપરછ કરી અને તેમના નિવાસસ્થાને સર્ચ ઓપરેશન હાથ ધર્યું હતું.
અધિકારીઓએ કહ્યું કે, તેણી યોગ્ય જવાબો ન હોતી આપી રહી. કેન્દ્રીય તપાસ એજન્સીએ સેન્ટ્રલ ફોરેન્સિક સાયન્સ લેબોરેટરીના વરિષ્ઠ મનોવિજ્ઞાનીની સેવાઓ પણ લીધી, જેઓએ પણ તેમની પૂછપરછ કરી. અધિકારીઓએ જણાવ્યું કે, મનોવૈજ્ઞાનિકો પણ અંતે એવાં નિષ્કર્ષ પર પહોંચ્યા હતા કે એજન્સી પાસે તેમની ધરપકડ કરવા સિવાય કોઈ વિકલ્પ નથી. તેમણે કહ્યું કે સીબીઆઈની વિશેષ અદાલતે શનિવારે તેમની આગોતરા જામીન અરજી ફગાવી દીધી હતી.
CBI arrests former Managing Director & Chief Executive Officer of National Stock Exchange (NSE), Chitra Ramkrishna, from a location in Delhi, in connection with the co-location scam case: Sources
ચિત્રા રામકૃષ્ણએ 2013માં NSE ના પૂર્વ CEO રવિ નારાયણની જગ્યા લીધી હતી
CBI એ ચિત્રાના કાર્યોમાં એક રહસ્યમય યોગીના માર્ગદર્શન સાથે સંબધિત ભારતીય પ્રતિભૂતિ અને વિનિમય બોર્ડ (સેબી) ના એક રિપોર્ટમાં નવા તથ્યો સામે આવ્યા બાદકો-લોકેશન મામલામાં સીબીઆઈએ 25 ફેબ્રુઆરીના રોજ NSE સમૂહના પૂર્વ સંચાલન અધિકારી (જીઓઓ) આનંદ સુબ્રમણ્યમની ધરપકડ કરી હતી. સુબ્રમણ્યમને ફોરેન્સિક ઓડિટમાં કથિત યોગી ગણાવવામાં આવ્યા હતાં પરંતુ સેબીએ પોતાના અંતિમ રિપોર્ટમાં દાવાને ખારિજ કરી દીધો હતો.
રામકૃષ્ણએ 2013માં NSEના ભૂતપૂર્વ CEO રવિ નારાયણનું સ્થાન લીધું હતું. તેમણે સુબ્રમણ્યમને તેમના સલાહકાર તરીકે નિયુક્ત કર્યા હતાં, જેમને પાછળથી વાર્ષિક રૂ. 4.21 કરોડના ભારે પગાર પર GOO તરીકે બઢતી આપવામાં આવી હતી.
નેશનલ સ્ટોક એક્સચેન્જ અને શેર માર્કેટ રેગ્યુલેટર સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) ના અજાણ્યા અધિકારીઓ સામે પણ કેસ નોંધવામાં આવ્યો છે. સીબીઆઈનો દાવો છે કે, આ બંને સંસ્થાઓ સાથે મળીને ત્રણેય લોકોએ વર્ષોથી આ ગેરકાયદેસર કામ કર્યું છે.