મુંબઈના પૂર્વ પોલીસ કમિશનર સંજય પાંડેની મુશ્કેલીઓ વધી ગઈ છે. દિલ્હીની કોર્ટે તેને 4 દિવસના સીબીઆઈ રિમાન્ડ પર મોકલી આપ્યા છે.
મુંબઈના પૂર્વ પોલીસ કમિશનર સંજય પાંડેની મુશ્કેલીઓ વધી
દિલ્હીની કોર્ટે તેને 4 દિવસના સીબીઆઈ રિમાન્ડ મંજુર કર્યા
તેની NSE ના ફોન ટેપિંગ કેસમાં ધરપકડ કરવામાં આવી હતી
મુંબઈના પૂર્વ પોલીસ કમિશનર સંજય પાંડેની મુશ્કેલીઓ વધી ગઈ છે. દિલ્હીની કોર્ટે તેને 4 દિવસના સીબીઆઈ રિમાન્ડ પર મોકલી આપ્યા છે. કોર્ટે કહ્યું છે કે સીબીઆઈ પાસે તેમની સામે તપાસ કરવા માટે પૂરતા કારણો છે. પાંડેની સીબીઆઈ દ્વારા નેશનલ સ્ટોક એક્સચેંજના ફોન ટેપિંગ કેસમાં ધરપકડ કરવામાં આવી હતી. આ ઉપરાંત ઇડી દ્વારા પણ તેની ધરપકડ કરવામાં આવી હતી. તે હજી પણ ન્યાયિક કસ્ટડીમાં છે.
NSE ના ફોન 1997 થી ટેપ થતા હતા
નોંધપાત્ર વાત એ છે કે, એન્ફોર્સમેન્ટ ડિરેક્ટોરેટ (ED) એ થોડા મહિના પહેલા દિલ્હીની એક અદાલતને જણાવ્યું હતું કે નેશનલ સ્ટોક એક્સચેંજ (NSE) ના કર્મચારીઓના ફોન 1997 થી ટેપ કરવામાં આવી રહ્યા છે. એનએસઈના પૂર્વ સીઈઓ ચિત્રા રામકૃષ્ણ અને મુંબઈના પૂર્વ પોલીસ કમિશ્નર સંજય પાંડે વિરુદ્ધ કેસ નોંધવામાં આવ્યો છે. કોર્ટે ચિત્રાના ઇડીના રિમાન્ડ પણ મંજૂર કર્યા હતા. ઈડીએ કોર્ટને કહ્યું હતું કે ચિત્રાની ઘણા તથ્યો પર પૂછપરછ કરવી પડશે. ઇડી ઇચ્છતી હતી કે ચિત્રાને કેટલાક અન્ય શંકાસ્પદ વ્યક્તિઓની સામે બેસાડવામાં આવે અને પછી તેની પૂછપરછ કરવામાં આવે.
#UPDATE | A Delhi Court grants 4-day CBI remand of Sanjay Pandey to CBI and states that CBI has sufficient grounds to proceed with the investigation https://t.co/XFZBiSmlrd
CBIની FIR બની કેશનો આધાર
જાણકારી અનુસાર ઈડીએ આ કેસ સીબીઆઈ એફઆઈઆરના આધાર પર કર્યો હતો. ઈડી પહેલા સીબીઆઈએ સંજય પાંડે અને તેમની કંપની ઈસેક સિક્યોરિટીઝ વિરુદ્ધ કેસ નોંધ્યો હતો. આ કેસમાં ચિત્રા રામકૃષ્ણ અને અન્ય કેટલાક લોકો પણ હરકતમાં આવી ગયા હતા. વાસ્તવમાં સીબીઆઈ એનએસઈ કો-લોકેશન કૌભાંડની તપાસ કરી રહી હતી.
ચિત્રાના કહેવા પર ફોન ટેપ થયા હતા
આ દરમિયાન તપાસ એજન્સીને ખબર પડી કે આઈએસએસી સિક્યોરિટીઝે એનએસઈના કેટલાક કર્મચારીઓના ફોન ગેરકાયદેસર રીતે ટેપ કર્યા છે. એટલું જ નહીં, તેણે તેની ટ્રાન્સક્રિપ્ટ પણ આરોપીને આપી હતી. ઈડીએ દાખલ કરેલા કેસ મુજબ પાંડેની કંપનીએ ચિત્રા રામકૃષ્ણના કહેવાથી એનએસઈના કર્મચારીઓના ફોન ટેપ કર્યા હતા. આ કામ માટે આઈએસએસીને 4.54 કરોડ રૂપિયા આપવાની વાત પણ કરવામાં આવી હતી.