ધર્મસંકટમાં સરકાર! / બે મહિનાથી LRDનો વિવાદ ચાલી રહ્યો છે છતાં સરકારના પેટનું પાણી હાલતું નથી: ભાજપના પૂર્વ MLA

• સરકાર પર નારાયણ પટેલે કર્યા પ્રહાર
• હાઇકોર્ટ કે સુપ્રીમ કોર્ટથી સરકાર ઉપરી નથી
• GRમાં કહેવાયું છે તેને સરકાર ધ્યાનમાં રાખે

નારાયણ પટેલે પ્રહાર કરતા કહ્યું કે છેલ્લા બે મહિનાથી LRDનો વિવાદ ચાલી રહ્યો છે છતાં સરકારના પેટનું પાણી હાલતું નથી. સાથે જ કહ્યું કે હાઇકોર્ટ કે સુપ્રીમ કોર્ટથી સરકાર ઉપરી નથી. એટલે સરકાર GRમાં કહેવાયું છે તેને ધ્યાનમાં રાખે અને કોઈ સમાજને અન્યાય ન થાય તેનું ધ્યાન રાખે.

નારાયણ પટેલે ચીમકી ઉચ્ચારતા કહ્યું હતું કે જે કેટેગરીમાં ફોર્મ ભર્યું હોય તે કેટેગરીમાં જ ઉમદવારોની પસંદગી કરો. જો સરકાર અન્યાય કરશે તો અમે સહન નહીં કરી લઇએ. વધુમાં તેમણે જણાવ્યું હતું કે, કુંવરજી બાવાળીયા અન ભરતસિંહ ઉપવાસ પર બેસી શકે તો આપણે કેમ ના બેસી શકીએ. મેં પણ ડે.સીએમ અને સીએમને પત્ર લખ્યો હતો. 

મહત્વનું છે કે આ અંગે મુખ્યમંત્રીના નિવાસસ્થાને બેઠક યોજાઇ હતી. બિનઅનામત વર્ગની માંગને લઇને DyCM, ગૃહમંત્રી અને મુખ્યમંત્રી વચ્ચે મુલાકાત થઇ હતી. જેમાં વરૂણ પટેલ, યજ્ઞેશ દવેને બોલાવાયા હતા.