એશિયાની સૌથી મોટી ગણાતી ઊંઝા APMCમાંથી ભાજપના પૂર્વ ધારાસભ્ય નારાયણ પટેલના જૂથની કારમી હાર થઇ હતી. જ્યારે કોંગ્રેસમાંથી પક્ષ પલટો કરી ભાજપમાં આવી ધારાસભ્ય બનનાર આશા પટેલ જૂથનો વિજય થયો હતો. આ બન્ને નેતાઓ વચ્ચે છેલ્લા ઘણા સમયથી વિવાદ ચાલી રહ્યો છે ત્યારે વધુ એક વિવાદ સામે આવ્યો છે.
MLA આશા પટેલ અને પૂર્વ MLA નારાયણ પટેલ વચ્ચે બોલાચાલી થઈ હોવાનું સામે આવ્યુ છે. જેમાં મહેસાણા ભાજપ કાર્યાલય ખાતે બંને નેતાઓ વચ્ચે બોલાચાલી થઈ હતી. જેને લઈને નારાયણ પટેલ જિલ્લા ભાજપ પ્રમુખને રજૂઆત માટે પહોંચ્યા હતાં. જો કે આશા પટેલે આ મામલે નારાયણ પટેલે તેમને અપશબ્દો કહ્યા હોવાની વાત કરી હતી. માત્ર તેમણે પ્રતિકાર જ કર્યો છે તેમ પણ કહ્યું હતું.
નારાયણ પટેલના લાંબાગાળાના શાસનનો અંત
અત્રે ઉલ્લેખનીય છે કે, એશિયાની સૌથી મોટી ગણાતી ઊંઝા APMCમાંથી ભાજપના પૂર્વ ધારાસભ્ય નારાયણ પટેલના જૂથની કારમી હાર થઇ હતી. જ્યારે કોંગ્રેસમાંથી પક્ષ પલટો કરી ભાજપમાં આવી ધારાસભ્ય બનનાર આશા પટેલ જૂથનો વિજય થયો હતો. ઊંઝા એપીએમસીની ચૂંટણીમાં નારાયણ કાકાની પેનલના તમામ ઉમેદવાર હારી ગયા હતા. જ્યારે ડૉક્ટર આશા પટેલની વિકાસ પેનલના તમામ આઠ ઉમેદવારોનો વિજય થયો હતો.
આમ 21 વર્ષ સુધી ઊંઝા APMCમાં કબજો જમાવનારા નારાયણ કાકાના પુત્ર ગૌરાંગ પટેલની કારમી હાર થઈ હતી. જ્યારે આશા પટેલની વિકાસ પેનલે નારાયણ પટેલની વિશ્વાસ પેનલને કારમી હાર આપીને એપીએમસી પર કબ્જો મેળવ્યો છે. ઊંઝા એપીએમસીમાં નારાયણ પટેલનું એક હથ્થુ શાસન હતું.
ત્યારે કોંગ્રેસમાંથી ભાજપમાં આવેલા આશા પટેલે ઊંઝાના રાજકારણ બાદ એપીએમસીમાંથી પણ નારાયણ પટેલનું વર્ચસ્વ ખતમ કરી નાખ્યું છે. ત્યારે હવે મહેસાણા ભાજપ કાર્યાલય ખાતે બન્ને MLA આશા પટેલ અને પૂર્વ MLA નારાયણ પટેલ વચ્ચે બોલાચાલી થઇ હતી.