તમિલનાડુમાં શાસક પાર્ટી ડીએેમકેના પૂર્વ ધારાસભ્ય વીરાપાંડી એ રાજાનું તેમના 59 મા જન્મદિવસે સલેમમાં હાર્ટેએટેક આવવાને કારણે અવસાન થયું હતું.
તમિલનાડુની ઘટના
ડીએેમકેના પૂર્વ ધારાસભ્ય વીરાપાંડીને આવ્યો હાર્ટએટેક
પિતાની તસવીર પર માળા અર્પણ કરતી વખતે ઢળી પડ્યાં
હોસ્પિટલમાં દાખલ કરવા પડ્યાં જ્યાં મોત થયું
પૂર્વ ધારાસભ્ય વીરાપાંડી સલેમમાં તેમના દિવગંત પિતા અને પૂર્વ મંત્રી વીરાપાંડી એ અરુમુગમની તસવીર પર માલા ચડાવી રહ્યાં હતા બરાબર તે સમયે હાર્ટએટેક આવતા તેઓ ઢળી પડ્યાં હતા. વીરાપાંડી રાજા ઢળી પડતા તેમને તાત્કાલિક ધોરણે હોસ્પિટલમાં દાખલ કરાયા હતા જ્યાં તેમણે અંતિમ શ્વાસ લીધા. ડોક્ટરોએ તેમને મૃત જાહેર કર્યાં હતા. પૂર્વ ધારાસભ્યને પરિવારમાં પત્ની અને બે પુત્રીઓ છે.
પિતાની તસવીર પર માલા ચડાવતી વખતે હાર્ટએટેક આવતા બેહોશ થયા
પરિવારના લોકોનું કહેવું છે કે રાજા તેમના પિતાની તસવીર પર જ્યારે માલ્યાર્પણ કરી રહ્યાં હતા તે દરમિયાન તેમને હાર્ટએટેક આવ્યો હતો અને ત્યાં તેમને હોસ્પિટલમાં દાખલ કરવામા આવ્યાં હતા.
સીએમ એમ.કે.સ્ટાલિને આપી શ્રદ્ધાંજલિ
રાજ્યના મુખ્યમંત્રી એમ.કે.સ્ટાલીને દિવંગત પૂર્વ ધારાસભ્યને શ્રદ્ધાસુમન અર્પણ કર્યાં હતા. સ્ટાલિન તેમના પરિવારને પણ મળ્યાં હતા અને તેમને દિલાસો આપ્યો હતો.