પ્રદૂષણ નિયંત્રણ બોર્ડના પૂર્વ મેમ્બર સેક્રેટરી અનિલ કુમાર શાહની ગુજરાત ACBએ ધરપકડ કરી છે, અપ્રમાણસર મિલકતને લઈ નોંધાઈ હતી ફરિયાદ
અનિલ કુમાર શાહની કરાઈ ધરપકડ
અપ્રમાણસર મિલકતને લઈ નોંધાઈ હતી ફરિયાદ
ગેરકાયદેસર રૂપિયા કમાવવાનો આરોપ
રાજ્ય પ્રદૂષણ નિયંત્રણ બોર્ડના પૂર્વ મેમ્બર સેક્રેટરીની ધરપકડ કરાઈ છે. ગુજરાત ACBએ અનિલ કુમાર શાહની ધરપકડ કરી છે. અપ્રમાણસર મિલકતને લઈ અનિલ કુમાર શાહ વિરૂદ્ધ ફરિયાદ નોંધાઈ હતી.
અપ્રમાણસર મિલકત મામલે કરાઈ ધરપકડ
વર્ષ 2006થી 2020ના પિરિયડ દરમિયાન રાજ્ય સેવક તરીકેના હોદ્દાનો દુરપયોગ કર્યો હતો. તેમજ ઈરાદા પૂર્વક ગેરકાયદેસર રીતે પૈસા કામાવવાનો આરોપ લાગ્યો હતો. 3 કરોડ 57 લાખની અપ્રમાણસર મિલકત મળી આવતા કાર્યવાહી કરાઈ છે. આગોતરા જામીન અરજી બાદ અનિલ કુમાર શાહની ધરપકડ કરાઈ છે.
ગેરકાયદેસર રીતે પૈસા કમાવ્યા હોવાનો આરોપ
અનિલ કુમાર શાહે તેમના પિરિયડ વર્ષ 2006થી લઈ 2020 સુધીમાં ગેરકાયદેસર રીતે પૈસા કમાવ્યા હોવાનો આરોપ છે. અત્રે ઉલ્લેખનીય છે કે, તેમની મિલકત પણ ત્રણ કરોડથી વધુ મળી આવતા કાર્યવાહી હાથ ધરાઈ હતી
અગાઉ થયેલા આક્ષેપો
તમને જણાવી દઈએ કે, અગાઉ ગુજરાત પોલ્યુશન કંટ્રોલ બોર્ડમાં સભ્ય સચિવ તરીકે એવી શાહની નિમણૂક કરાઈ હતી જો કે, તેમની સામે અઅનેક ગેરરીતિની ફરિયાદોને લઈ સીએમ કાર્યલાયથી બદલી કરવામાં આવી હતી અને તેમને પોરબંદર ખાતે પર્યાવરણ ઈજનેરની જવાબદારી સોંપાઈ હતી. અગાઉની ચર્ચા મુજબ જીપીસીબીના ચેરમેન સંજીવ કુમાર હતા ત્યાર સભ્ય સચિવ એવી શાહનો રિપોર્ટ મુખ્યમંત્રીને આપવામાં આવ્યો હતો. જે રિપોર્ટમાં પણ ભ્રષ્ટ્રાચારના વિવિધ આક્ષેપો તેમજ કોર્ટે કચેરીના કેસમાં બેદરકારીના કિસ્સાઓ સામે આવ્યા હતા.