વિવાદાસ્પદ / ગોવાના રાજ્યપાલે કહ્યું, રાજયપાલને કોઈ કામ નથી હોતું, તેઓ દારુ પીવે છે અને...

• રાજ્યપાલ પાસે નથી હોતું કોઇ કામઃ મલિક
• કશ્મીરના રાજ્યપાલ દારૂ પીવે છે,ગોલ્ફ રમે છેઃ મલિક
• અન્ય ગવર્નર હોય છે તે આરામથી રહેતા હોય છેઃ મલિક

વિવાદાસ્પદ નિવેદન આપ્યું છે

ગોવાના રાજ્યપાલ સત્યપાલ મલિકે વિવાદાસ્પ નિવેદન આપ્યું છે. સત્યપાલ બિહાર અને જમ્મુ કાશ્મીરના રાજ્યપાલ તરીકે ફરજ બજાવી ચૂકેલા મલિકે ઉત્તર પ્રદેશના ગૃહનગર બાગપતના પ્રવાસ દરમિયાન વિવાદાસ્પદ નિવેદન આપ્યું છે. જેના કારણે વિવાદોનો મધપૂડો છંછેડાયો છે. 

#WATCH Goa Governor Satya Pal Malik in Baghpat: Governor ka koi kaam nahi hota. Kashmir me jo Governor hota hai aksar wo daru peeta hai aur golf khelta hai. Baki jagah jo Governor hote hain wo aaram se rehte hain, kisi jhagde me padte nahi hain. pic.twitter.com/KTPNx49Eh3

— ANI UP (@ANINewsUP) March 15, 2020

કોઇ ઝઘડામાં નથી પડતા ગવર્નરઃ મલિક

સત્યપાલ મલિકે કહ્યું કે, ‘ગવર્નરનું  કોઈ કામ નથી હોતું. કાશ્મીરમાં જે ગવર્નર હોય છે તે ઘણીવાર દારુ પીવે છે અને ગોલ્ફ રમે છે. બાકીની જગ્યાએ જે ગવર્નર આરામ કરે છે.   કોઈ ઝઘડામાં નથી પડતા. ’

તેઓએ જમ્મુના મહત્વના સમયે જવાબદારી ઉપાડી છે

જ્યારે જમ્મુ -કાશ્મીરમાં 370 હટાવવામાં આવી ત્યારે સત્યપાલ મલિક ત્યા રાજ્યપાલ તરીકે ફરજ બજાવી રહ્યા હતા. રાજયની વહીવટી મશીનરી તથા સુરક્ષાની જવાબદારી તેમના હાથમાં હતી. તેમના જ કાર્યકાળ દરમિયાન જમ્મુ-કાશ્મીરને બે કેન્દ્રશાસિત પ્રદેશનમાં વહેંચવામાં આવ્યું હતુ. તેઓને 3 નવેમ્બર 2019ના રોજ ગોવાના રાજ્યપાલ તરીકે નિયુક્ત કરવામાં આવ્યા છે.