દેશમાં ક્રિકેટ વધુ લોકપ્રિય છે. ક્રિકેટને ભારતમાં ધર્મ માનવામાં આવે છે. હવે ભારતના પૂર્વ ક્રિકેટર અરૂણ લાલે મોટો નિર્ણય કર્યો છે. અરૂણે 66 વર્ષની ઉંમરે લગ્ન કરવાનો નિર્ણય કર્યો છે.
ભારતના પૂર્વ ક્રિકેટર અરૂણ લાલે કર્યો મોટો નિર્ણય
અરૂણે 66 વર્ષની ઉંમરે લગ્ન કરવાનો નિર્ણય કર્યો
અરૂણની પત્ની તેનાથી 28 વર્ષ નાની છે
66 વર્ષની ઉંમરે અરૂણ કરશે લગ્ન
અરૂણની પત્ની તેનાથી 28 વર્ષ નાની છે. ભારતના પૂર્વ ઓપનર અરૂણ લાલ 66 વર્ષની ઉંમરમાં બુલબુલ સાહા સાથે લગ્ન કરવાના છે. બુલબુલ 38 વર્ષની છે. બંને એકબીજાને લાંબા સમયથી ઓળખે છે. અરૂણ લાલના આ બીજા લગ્ન છે. આની પહેલા અરૂણ લાલે રીના સાથે લગ્ન કર્યા હતા. રીનાએ આ લગ્ન માટે મંજૂરી આપી દીધી છે. રીના લાંબા સમયથી બિમાર છે. તે પતિની બીજા લગ્નથી ખૂબ ખુશ છે. અરૂણ અને બુલબુલે એક મહિના પહેલા સગાઈ કરી છે. બંને ઘણા સમયથી રિલેશનશિપમાં છે.
બંગાળના રહી ચૂક્યા છે કોચ
અરૂણ લાલનો જન્મ 1955માં ઉત્તર પ્રદેશના મુરાદાબાદમાં થયો. બુલબુલ સાહા સાથે તેમના લગ્ન 2મેના રોજ કોલકત્તાના પીયરલેસ ઇન હોટલમાં થશે. અરૂણે લગ્નના કાર્ડ પણ વહેંચવાનુ શરૂ કરી દીધા છે. અરૂણે કોમેન્ટ્રીમાં પણ હાથ અજમાવ્યો હતો. પરંતુ વર્ષ 2016માં તેમને કેન્સર થયુ. ત્યારબાદ તેમણે કોમેન્ટ્રી છોડી દીધી. અરૂણ બંગાળ ક્રિકેટ ટીમના કોચ પણ રહી ચૂક્યા છે. અરૂણ લાલે વર્ષ 1982થી 89ની વચ્ચે ભારત માટે કુલ 16 ટેસ્ટ અને 13 વન-ડે મેચ રમી. આ દરમ્યાન તેણે બેટિંગથી ટેસ્ટમાં 729 અને વન-ડેમાં 122 રન નિકાળ્યાં. ટેસ્ટમાં તેમની બેટીંગથી છ અર્ધસદી અને વન-ડેમાં એક અર્ધસદી ફટકારી. બંને ફોર્મેટમાં અરૂણ એક પણ સદી લગાવી શક્યા નથી.